2014年6月16日星期一

縮窩

全球餓VOL,引申波幅極低,避險意緒不斷降溫,美國VIX指數跌至七年低位。

用黃師傅講法,即然大市場認為風險如無物,對沖風險成本因而下降立亦理所當然。

好明顯,環球央行量寬,令避險意慾減退,君不見,歐洲一吹雞,約百億美元流入成熟市場,亞洲、中資股通通受惠,資金效應既人為推低債息,而債息高低某程度上代表風險表現。

匯豐統計,過去廿四年左右,環球市場最少出現不下十次低VOL期,無獨有偶,當中九次,每次引申波幅低於低位,股市上升份屬必然。

當中一次為零二年十月,至零五年三月,環球股市回報為六成二,而最近一次發生於一一年十一月到一四年一月期間,回報亦有四成。

簡而言之,市場低VOL可以理解為大牛市,到底牛一、二、抑式三?當然完左先知!!

捕捉低VOL效應的話,以十二個月平均計,資源及能源類股份表現最好有兩成,及百分之十七回報,表現最差為金融股,負回報平均達到一成。

其實講咩都假,現時環球資金太多,根本上咩股份都會隨時有莫名其妙因素被製造從而推高。

資金要回報,投資工具亦喝度更多資金,過去一段長時間,ETF成為快、靚、正捕捉升市工具,結果傳統基金被頂爛市下,要被逼降收費,同樣因果循環,ETF發行商亦面對與日俱增競爭,結果連貝萊德亦要減價!!

有升幅、無波幅、乏成交,對市場參與者來說,反而是痛苦的升市,正因如此,今年似乎創下市況交投疏落,券商賣盤最旺的異象。

行內人指,以非上市券商為主,幾乎每周均獲主動洽購。無他,滬港通既改變市場生態,亦令經紀行繼銀行之後,隨時成為港資絕跡的行業!


沒有留言: