蝕錢王


上市前傳聞有康師傅、前「和黃大班」馬世民等入股, 恒發洋參之前備受市場追捧, 公開發售超購達50倍

但一上市就現真身, 低開25%, 揸住一手即時唔見1000元, 全日最低見過1.46元, 收市報1.5元, 仍然比招股價低24%

每手帳面蝕960元, 不單只是今年的新股蝕錢王, 亦是兩年來蝕最多的新股

由於公開發售比例增至4成, 9000多個認購了的投資者都變成坐艇, 帳面虧損近1億元, 平均每個蝕成1萬元

整個六月計, 大約15隻新股當中, 只得五隻首日報升, 大幅潛水的就接連出現, 部分來自大額投資者自行斬倉拖累

未來兩星期還有11隻公司等掛牌, 但目前新股表現, 就連累招緊股嘅都被大戶抽飛, 好似獲劉央入股撐場的天鴿, 孖展於最後一日突然大減一半

新股股災,洋參變潟藥,見報越高,吹噓越大,到目前期望似乎與事實不符,或者以後被發現事情不符的事情,可能會更多。

老實,報章大賣新股排隊上市,認購熱潮升溫,大額認購、頭鎚飛出現之際,唔係馬後炮,當時已心知不妙。

或者,可能見識少,但呢三十多隻新股,有幾多間認識,有幾個範業務有賣點?心照!!

更何況,索羅斯最少連續兩次被似乎利用製造聲勢,仲有咩唔得?

中環人盛傳,經過1588潛水,洋參瀉藥事件後,周五出現抽孖展潮,係抽飛,WITHDREW
SUBSCRIPITION!!

純粹有聞必錄,經紀行佬話,部份客戶只求停止認購,不介意蝕息,重傷程度可想而知。

內地主題之一是「棚戶改造」工程,有老行尊形容,近期本港新股卻是搭棚建造工程;製造報、營造有概念、有賣點,具備影子、繼而截止前吹噓大戶加碼入飛、分貨極難。

 於是原本有意認購的大戶,當聽聞有大戶大手認購後,結果情不自禁:據聞部份以為分貨比例極低,於是手指篤盡,最後竟然要幾多,分幾多,暗盤當日方知不妙,結果!!!

沈聯濤當年評論窩輪市場,有一句好正,「知唔知自己買緊咩!!!」。老實,概念股當道,要完全認識股份是自欺欺人,但新股,尤其二線新股,比上市的三,四線股份更無路可捉,無圖睇、無走勢往績,無股價表現比較,其實仲弊。

過往人人假設超購必升,收貨後再炒,喟,股票無性,無必然呢兩個字囉!!

新股熱,新股熱,呢回所謂新股熱,一次過幾十隻,有人預言,十八個月內,一定有野睇!!

無他,核數師一次過應付多隻新股,總有眼漏,上市委員會亦然、至於保薦人,近期大批幾乎清一色中資行為主,客路相近,唔好忘記內地新股好炒好多!!

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」