攪局者


馬、許聯婚,中間夾著一個「波」,因為足隊,馬雲豪擲十二億,亦因為許家印將馬雲灌醉,交易火速拍板。

撇除交易背後,馬、許二人記者會談笑風生,單單UPSOUND已經值回票價。

正因如此,絕對要感激本港某某公關公司,某某員工,無佢尋晚十幾點來電,講的唔講的,詳情欠奉,地點不詳,仲要隨即CUP線,仲敢假設「你地都係唔去架拉」,反而令我們去意堅定,公關姐姐!! SORRY,CABLE今日有COVER囉,仲係我們最出色的中國組記者林建誠誠哥出馬!! THANK YOU晒!

說回足球,中環分析員直指,馬雲犯兩個錯誤:一,投資一項自己毫無認識的現目。而馬雲本人亦都直認,不懂足球,有史以來僅僅打個一場波,輸七球,馬雲擺烏龍,為對方進帳一球。

二,恒大足球幾乎完全蝕本生意,雖然坊間有不同估計,有個2013年中超商業價值報告,就指恒大是16間中超少有盈利的、但大行都相信恒大足球未能收支平衡。

十二億可以買個名,但持股五成作為主要股東,恒大足球繼續輸錢,主要股東一定要不斷注資。除非好似瑞銀咁估,亞冠盃盟主之名真係可以為恒大虧轉盈!!

十二億的一倍、即是廿四億, 等如全個恒大足球項目估值,以恒大逾百億已發行股本計,攤佔相當於每股一毫六子!

都仲未計資本投入,及累計虧損。故此,馬,許成親即時帶旺中國足球概念股之際,恒大股價表現,在在反映市場始終在價值厘定上,相當準繩!!

面對恒大足球前景不明,如果一如馬雲所說,為屢敗屢戰精神而染指足球,擺明當市場個個係小朋友!!

交易背後理由太多:
一,足球既屬於品牌推廣,亦能擔當銷售平台,係咁的話,平保豈會早前天價贊助中超?
二,足球體育事業背後涉及土地,體操王子年前的非凡中國已經是例子之一。
三,有博彩,有足球隊,加埋互聯網支付,三者關係互動,其餘任君自加想像。

內地有套連載電視節目,名為足球夢,足球夢2014版亦將播放。足球夢講述一班年青人真人真事,為足球而奮鬥,為獲參加歐洲訓練營而努力,如是者,電視中的足球夢,跟習主席的中國夢,其實同出一徹!

中國足球表現,為何數十年來跟中國球迷同床異夢,難道搞足球跟睇足球、是兩批人跟本發緊不同的夢?

恒大足球城位於廣州,英國金融時報年初罕有做過大特寫報道,形容校內仿如哈利波特及迪士尼的混合版,學員努力,教練嚴謹,而每人掛上口中一個目標一致,打做中國小美斯!!!

但願馬SIR是為足球而搞足球,成全十三億人小美斯的願望吧!

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」