2014年7月22日星期二

升市要估頂?


股市五粒星滿分的話,中環人平均評分為四粒星,黃師傅更比多半粒,有四粒半。

升市有成交,兼並無受突發政策因素刺激,簡單來說,今日市況符合Organic Growth,最自然、最健康條件,已值兩粒星。

其次,升市底下,股份表現全面,成交活躍榜內股份大部份重量級,連盈富基金亦能登場,再值兩粒,而另外半粒,則是技術走勢。

港股升、但港紙連跌三日,正式向外界宣示,港元及港股,並無直接關係。

好多人會問,為咩個市升,為咩尋日仍然悶悶不樂?今日可以生生猛猛?

肯定有人話,是為夾淡友,但查實淡友所剩無幾!!

如果一定要搵原因,最簡單直接是,中、港股市要對一直忠心耿耿粉絲,給予一個交待!!

大環境而言,市場沒有明顯避險,資金流層面,歐美成熟市場流入金額近三星期連續低於區內;

論價值、要炒底、雙印之後,豈何缺乏中國及其特區!!?

上次豬肉股萬洲,因為市況逆轉、兩次修訂最終爭扎都不能成功上市,今次捲土重來,集資額結果要大跌66%,同時降低估值,大股東同管理層亦被迫放棄套現機會,那豈不是投資者之福?

難怪黃師傅都話,用11倍市盈率計,今次抽得過啦!

升市、跌市,仍然有不少人忐忑不安,友邦尋日無人提,今日又個個喊笨!!

友邦升,有分析潑冷水,上四十蚊必然見光死。亦有意見認為,原來特區股市,仲有炒業績呢家野!!

業績預期好,股價偷步行。股市回復基本,香港股市,終於似番個市,實屬可喜!!

如果友邦炒業績證實Work,之後嘅長和、稍後嘅地產股、內銀配合的話,恒指豈止見二萬五?

拋開傷心及憂心,細心發掘優點,是現時大市主題:如果PMI初值ok,中港股又再加分,屆時殘股、周期股,舊經濟股,再不是Yesterday Story,而是Tomorrow Hopes!!

市場評價亦會由、殘得有道理,改口為殘得太吸引,估值已浮現!!

1 則留言:

accountboy 說...

http://big5.chinairn.com/news/20140721/115553824.shtml 國開行獲1萬億再貸款定向支持棚戶區

冇政策? 你有冇搞錯?