滬港通症後群

彭醒棠撰文，否定資金經本港，流入銀行體系，為炒滬港通之說法，實屬可以理解。

首先，資金流向及目的，從來難以分辯，既然不能向資金求證，倒不如代資金先行否定。

其次，如果由中央銀行承認，資金已到港部署滬港通，只會為股市炒風再火上加油，呢個責任，莫說彭醒棠，連陳德霖都擔當不來。

香港以至內地已經患上滬港通敏感症，症狀明顯，已經越明嚴重：例如，稍傳交易所見媒體，市升、又或者稍後流傳有關兩地細節簽署，再多一兩輪培訓，又必升!!

有幸的話，滬港通啟動，一旦持續爆額，經內地媒體手筆一手，說什麼額度隨時大幅加大，更不得了!!

滬港通是否十月十三必然開通？知情人士話，「左右啦」!!

內地媒體再施展獨家披露威力，憑一個培訓、用一個唔覺意漏口風方式，個市就咁搞掂!

據稱，港交所早前亦一早向參與試演交易市場參與者，提及約略時間，現場又是內媒搶先，那個市場尊重敏感資料保密，不言而喻!!

中環人話，基於中港股市兩地交易規則仍有出入，尤其內地交易仍然實施T+1，一旦肖老總滬港通啟動前將其跟本港睇齊，A股隨時有好幾日炒爆!!

滬港通等於本港股市的全部，而港交所遷就滬港通，於是市場又想問，「港交所依家仲好唔好買？」。

近日，券商最少有兩間將三八八目標調高到一百八十蚊樓上，高盛更進取到預期潛在價值二百三。

但老實，正如花旗上周所指，因為互聯互通構成的潛在正面因素難以量化量度，既然如然，現在才有意動交易所主意，關鍵並非價位，而是信念，靠一個信字!

又或者，退而求其，用個人投資者身份，跟單一最大股東香港特別行政區比，政府既然要等近七年，才蟹貨見家鄉，今日高追，未必要七年掛？

亦即，點會勁過政府啦!!

呢種諗法，有人會形容幼稚，但面對一隻當炒股，自己卻舉棋不定之際，用上述自我解說反思模式，往往最能說服自己進行高追，至少後果自負!!!