2014年8月18日星期一

中資佔中

中方反佔中,中資卻佔中!!

原來,滬港通臨近,中資正磨拳擦掌,做大業務,於是上演另類佔領中環。

近日,多間中資金融機構或公司,承租中環商廈不下七宗交易,據稱後有來者,陸續有來。

而多間已承租個案之中,以信達租用友邦中心規模最大,佔樓面萬五呎。其次來自中信建投,達萬三呎。

中環人指,中資物色香港總部,有幾大特點: 一,少反價、二,要快、三,物業有靚、要甲級、或簡單講,要屬於Landmark。

打入中環,對中資來說代表打入國際第一部,中資既然承租能力強,結果真正國際投行、歐美金融機構,開始逼出中環:
見報已經有蘇格蘭皇家,友邦中心一半樓面讓出予信達、美林雖然落戶長江一號,但多個後勤部門,包括Corp comm一早絕跡中環。

而部份ibank亦考慮,除後勤外,最不賺錢部門亦要遷出中環,包括研究部。

中資因為擴展業務要佔中,有口痕友話,外資大戶卻因為佔中,而遷出中環,涉及並非政治立場,擔心事故等等,而是特區監管機構,因為佔中,必須要金融機構有後備辦公室Backup office,結果皮費大增,考慮成本問題,決定縮皮。

幾年前叫鬼子佬搬到西九,個個牙痛咁聲,現在輕則鰂魚涌,重則觀塘,隨時荃灣亦有可能!

提到中資物色中環落戶,數速度之快,必然是兩年前農行成幢買入,當日天價,現在有錢賺。建行有現在前中環麗嘉原址,反觀中國首席銀行工商銀行,仍然租用亞太金融中心,並且租用買命名權方式,叫做有個工銀大廈。

「賓卡」話,工行上市無耐,早有中環置業之意,恒生隔離睇過,無著落、農行大廈傾過亦唔岩,結果暫時四大之中,唯一未有物業。

中資佔中最大受惠者,分析員指,要數冠軍房產,旗下花旗廣場,少美林,及日產後兩大租客後,空置率由一成一,升至兩成半。有幸,中資大、小券商搶灘,Dr Lo稍為安心之餘,亦預留彈性,於是盛傳使出逆市減租一招,呎價由八十五蚊降至七十二!!

沒有留言: