離奇回落?

不論由人行公布信貸增長、以及國統局公布既「三頭馬車」，即係投資、零售同工業生產，都「反高潮」差過預期。

其中經濟師、都以震驚形容信貸表現，以新增貸款計，降至09年12月以來最少，只是原來預期一半。

而社會融資按月更大跌近1.7萬億人民幣。

政策是定向寬鬆、數據卻顯示流動性收緊，令市場大惑不解。

可能人行都知、市場對信貸感到震驚，於是罕有評論，指數據回落是基數效應，認為整體信貸仍處於合理區間。

為令市場安心，人行更罕有透露，踏入八月分貸款基本上、每日保持300至500億增量，未來信貸規模會持續增長。

六月「沖高」、其實都有跡可尋，因為當月人行加大定向寬鬆力度，加上國務院批出大量「微刺激」，到七月自然會出現回落。

但完全歸疚於季節性因素、就似乎難以解釋咁大幅度回落，更合理解釋似乎是經過五、六月異常的寬鬆政策後，因當局發現過左火位，七月分要進行沖銷、限制信貸供應。

值得留意係、七月信貸雖然大跌，但觀乎拆息近日並無抽高，反映流動性仍充裕。

有經濟師就關注，是反映信貸需求減弱速度過大，加上有70個城市GDP都出現回落、反映逐漸失去經濟復蘇動力。