再坐一會
過去一星期，中環大行最興奮張枱、唔使問「阿貴」，一定係做外匯同Bond張 desk!
唔到你唔信邪、中秋前後仲有「古怪」，講緊係金融市場。仲記得6年前，中秋節燒野食，撞正雷曼爆煲，我地唔少同事都要返工啦!
到今年中秋、反而可以令匯市交易員，收復番唔少失地。
講起過去幾年、做外匯真係「一殼眼淚」，唔少都轉行做基金或Marketing，原因係「QE之下、市場無波幅」，主要央行都將利率降到零，咁仲有咩波幅可以炒?
連有33年歷史、曾經係最大外匯投資商既「FX Concepts」，舊年都要關門大吉，原因係資產值、由140億美元跌至只有6億，跟本就無得玩落去。
不過最近幾個星期、匯市終於有番明顯「主題」，先係聯儲局「突然」被憧憬有加息機會。
同一時間、歐央行德拉吉突然記起，自己「Whatever it take」承諾，不惜一切同時減息同推變相QE。
更估唔到係英鎊突然因為蘇格蘭公投、被突襲跌至十個月新低。
結果美元成功創出97年以來、最長升市紀錄，可想而知，交易員有幾咁興奮!!
匯市每日交易量、比起七月底既低位，突然暴升55%。追踪匯市交易波幅既指數更急升45%，創8個月高位。你問每個交易員、都幾乎晚晚通頂都要炒波幅!
的確、九月以來，美元兌日圓單日波幅，由七月時0.35YEN，跌升至0.7YEN；歐元兌美元亦由40美仙、升至79美仙。兩者波幅，足足都有升左一倍。
全球擁有最大外匯交易枱既花旗銀行、早前已預先講定，第三季包括外匯交易既市場收入，已經可以扭轉年初跌勢。
但興奮過後、要問最跟本既問題，就係呢個匯市背馳現象，可以持續幾耐? 答案當然繫於耶媽身上。
聯儲局「黨報」華爾街日報、最近已不斷放風，話下周政策聲明有變，為提早加息作準備、但事實係咪咁樣?
黃金戰士潘國光、同美林都有相同睇法，就係耶媽可以「再坐一會」，即係等多陣先決定!
美林預測、目前離加息時間，至少仲有一年，市場而家係太過反應過敏。黃金戰士論據亦都相同，特別係新增職位唔算突出，加上歐元、英鎊同日圓都大跌，美元係咪能夠承受長期強勢? 答案顯而易見
兩星期前、全港最大銀行既區內第一把手，已經私下講過，以目前美國經濟狀況，即使真係加息、幅度在年半內，都絕不會超出一厘，原因正正就係美國需要增加出口。
反而奇怪係、市場近日相當受落，最大銀行加息增加收入既說法。但按高層評估、其實加息幅度有限，講到呢度，真係要佩服CEO既包裝功力!!
唔到你唔信邪、中秋前後仲有「古怪」，講緊係金融市場。仲記得6年前，中秋節燒野食，撞正雷曼爆煲，我地唔少同事都要返工啦!
到今年中秋、反而可以令匯市交易員，收復番唔少失地。
講起過去幾年、做外匯真係「一殼眼淚」，唔少都轉行做基金或Marketing，原因係「QE之下、市場無波幅」，主要央行都將利率降到零，咁仲有咩波幅可以炒?
連有33年歷史、曾經係最大外匯投資商既「FX Concepts」，舊年都要關門大吉，原因係資產值、由140億美元跌至只有6億，跟本就無得玩落去。
不過最近幾個星期、匯市終於有番明顯「主題」，先係聯儲局「突然」被憧憬有加息機會。
同一時間、歐央行德拉吉突然記起，自己「Whatever it take」承諾，不惜一切同時減息同推變相QE。
更估唔到係英鎊突然因為蘇格蘭公投、被突襲跌至十個月新低。
結果美元成功創出97年以來、最長升市紀錄，可想而知，交易員有幾咁興奮!!
匯市每日交易量、比起七月底既低位，突然暴升55%。追踪匯市交易波幅既指數更急升45%，創8個月高位。你問每個交易員、都幾乎晚晚通頂都要炒波幅!
的確、九月以來，美元兌日圓單日波幅，由七月時0.35YEN，跌升至0.7YEN；歐元兌美元亦由40美仙、升至79美仙。兩者波幅，足足都有升左一倍。
全球擁有最大外匯交易枱既花旗銀行、早前已預先講定，第三季包括外匯交易既市場收入，已經可以扭轉年初跌勢。
但興奮過後、要問最跟本既問題，就係呢個匯市背馳現象，可以持續幾耐? 答案當然繫於耶媽身上。
聯儲局「黨報」華爾街日報、最近已不斷放風，話下周政策聲明有變，為提早加息作準備、但事實係咪咁樣?
黃金戰士潘國光、同美林都有相同睇法，就係耶媽可以「再坐一會」，即係等多陣先決定!
美林預測、目前離加息時間，至少仲有一年，市場而家係太過反應過敏。黃金戰士論據亦都相同，特別係新增職位唔算突出，加上歐元、英鎊同日圓都大跌，美元係咪能夠承受長期強勢? 答案顯而易見
兩星期前、全港最大銀行既區內第一把手，已經私下講過，以目前美國經濟狀況，即使真係加息、幅度在年半內，都絕不會超出一厘，原因正正就係美國需要增加出口。
反而奇怪係、市場近日相當受落，最大銀行加息增加收入既說法。但按高層評估、其實加息幅度有限，講到呢度，真係要佩服CEO既包裝功力!!
留言