2014年10月20日星期一

撤資? 投資!

蘇局長說, 外商向投資推廣署表達,關注佔中狀況,雖未至於撤資,不過就會暫緩本港投資計劃。

咦,難道無人通知蘇局長,今日有間叫卡塔爾投資局的「外資」,大拿拿攞左47億來香港買零售市場資產,仲要是佔中高峰的銅鑼灣區??

卡塔爾主權基金一擲近五十億,向周大福以及劉鑾鴻,購入兩成利福股權,正面而言,在在代表,外資看好中、港零售市道,甚至可以無懼佔中,願意投入資金長期承諾。

的確,卡塔爾主權基金投入業務偏佈世界,美國有Tiffany,英國Harrods、巴克萊、瑞信及金絲雀碼頭等。

白一點,該中東主權基金,唔大品牌、唔出色,一定無興趣,依家,Sogo,假假地一間Sogo,絕不失禮。

再者據報,卡塔爾主權基金計劃動用百五億美元,即過千億港元,分別在中、港、日本、南韓獵食。頭炮睇中利福。香港之光也!!

先有新加坡主權基金淡馬錫入股屈臣氏、再有牛奶國際入股內地永暉超市,環球資金繼續昅實亞洲零售市場。

但凡事有兩面,睇好,並且重搥投資,不代表眼光準,市道轉角。例如淡馬鍚買內銀,越買越平、例如中東股神撐美資金融股,結果幾間一度命危,更重要,今次卡塔爾簡單講,係接貨,賣家周大福及劉鑾鴻,對中、港零售市道認識深、抑或卡塔爾對我地零售市道認識夠?

今次周大福以及劉鑾鴻以每股十四個七毫半減持,較停牌前溢價僅一個巴仙,用市盈率計,估值相當於利福現市盈率十二倍,預測市盈率十一倍左右。

若果屬於一盤高增長生意,零售股,無廿倍都唔入流啦!!

十二倍PE,對零售股來說,等於市場認為增長欠奉,不要忘記,大約八月份,瑞銀當時予以合理價為近十八蚊,即約值近十八倍PE。

對兩大現有經驗老到股東,撇除其他原因,怎會如此賣大飽??

零售市道是自由行概念,而利福更屬於百分之百純自由行概念,皆因銅鑼灣就代表自由行,而利福人流最少有四成多由內地客充撐。

不要忘記,利福正計劃銅鑼灣Sogo做大規模翻新,尖沙咀分店將會重開,有人此時此刻離場,不難否認,似乎有人對零售市道變得悲觀,才速成交易!!!

當然,凡事有兩面,卡塔爾也不是省油的燈,且看誰對誰錯!!

沒有留言: