中途站

七年之癢？

零七年直通車，一四年一個滬港通。

當然兩者性質有別，前者被總理以叫停，重新審視，後者萬事俱備，亦不屬於無限期擱置，惟同樣結果均是，預左有、但未有!!

滬港通何時重推，市場仍然傾向樂觀：部份更相信十一月，而不少意見認為明年首季之內。

凡事從最審慎角度考慮的話，中央正籌備中央經濟工作會議、亦要力撐未來數月增長，年初開始整理來年經濟目標，再者今次測試完全過關，不代表啟動之前不要重新再測試，市場揣測的落實時間，或者想得較預期樂觀。

李小加無講咩原因，亦避用延期推出字眼，他提出內地考慮滬港通開通有三點：
一，基礎建設；
二，市場穩定性；
三，其他風險。

既然一，二兩項未有問題，即互聯互通煲燶原因，是牽涉其他風險因素，答案不言而喻。

當日匯豐策略師魏兆宏用佔中為由，將港股評級降至減持，結果幾個月後自動遞信請辭，據稱魏兄原本定為全球主管人選。

魏氏之死，在於將市場表現及政治因素，在不合適時間，拉在一起。現在，阿爺決定，某程度上或為魏兄作出平反!!

九二八之後，樓市升勢未停，港股完全扭轉跌勢，人人話佔領不影響經濟及市場表現，中環人指，互聯互通不駁通，正正是當局用行動駁斥，以正視聽。

更重要，憑一個政策，一個決定，阿爺要Signal祖國在重大市場發展及走勢問題上，絕對是有Say!!

評級機構惠譽形容最為精警，指加強與中國大陸的貿易和金融往來對香港有利，但也使香港面臨國家風險。

暫時未有滬港通，絕不應視為世界末日、港股沉輪。退一步想，香港金融業既然尤為重要，市場參與者好應該在國家路線之外，再物色新發展路向，而非一面倒，食中資概念，學新加坡多擲幾個飛鏢，隨時有意外驚喜!

但肯唔肯、敢唔敢？係另一問題!!

應通暫不通，老實，對投資者來說，亦未必壞事，最少一切回歸基本因素，少一個滬港通包袱，少一個差價考慮因素，亦少一批毫不認識股份要兼顧，要扮投入。

如FT Lex 所言，國家金融開外是一部大巴士，388 就如一個旅客在巴士中途站等上車。雖然港交所目前Trade緊 28倍PE，遠高於對手，但以一年盈利增長達30%的交易所計，表現遠遠跑贏SGX及AGX 的單位數升幅。

今日市場可能會感覺很灰，或者亦可能方是黎明前的黑暗，相信巴士最終都會到站。