業績指引

借用黃師傅形容，瑞聲科技實為「應聲科技」，業績不滯, 所產生的科學作用正是股價應聲下跌

綜合而言，瑞聲由大數到細數，以至資本開支均與預期落空，按毛利計，已經連續七個季度比預期差。

諷刺是，業績前，瑞聲今年以來累積升幅三成左右，半日應聲科技效應，已經嘔出三分一。

還記得公司去年第三季業績嚴重貨不對辨後，股價跌過一成，但好快恢復，事後回想，管理層、分析員、及市場三大持份者，同時出錯。

一方面，蘋果效應、產品熱賣，市場及分析予信以為可以投射到瑞聲，一次又一次墮入周邊概念陷阱，而瑞聲更大問題是原來十一月第三季業績後，管理層就第四季表現向市場發出指引，過份樂觀。

翻查券商當年引述管理指指引，第四季收入會有五成左右增長、全年收入增長則有雙位數，而毛利率亦會比第三季有改善。

結果，瑞聲第四季除按季收入增長五成對辨外，其餘全部不符合指引，當中市場極為重視的毛利率，竟然由第三季42.3%，跌至只有41.1%，結果逃不過被市場處決。

收入增長五成，惟毛利減少一點二個百分點，分析員指，對高增長股來說等同死症，況且基金股有一大死忌，Guidance no room for error，瑞聲正正斷正!!

同樣同日出事有中外運，業績後半日唔郁，到尾市排山倒海，擺明歐洲基金一早起床一聲令下清貨，中外運跟瑞聲情況不同，前景市場太樂觀，管理層亦俾錯指引，但中外運相反，業績跟市場預期並無太大偏差，又衰咩？

分析員認為，中外運同樣Margin出事，全年盈利增長三成六，但毛利率跌至2.5%，半年內下跌零點四個百分點，變相話俾市場知，物流其實無毛利!!

從瑞聲、中外運情況反映，基金界對細數份外挑剔，怪不得，近日業績期，派紅股、加派息股份得別多!!