2015年5月18日星期一

孤芳自賞


最佳分析員,未必會屬於預測最具準繩度分析員一類,美林崔魏大名鼎鼎,因為太堅信基本因素,一直將國指目標定於九千六,但基因敵不過資金,趁近日市況回落,崔魏技術上調目標至貼近市價水平,某程度上市況,為他提供立場軟著陸機會。

正因為基因敵不過資金,正如基金界形容,A股是全球其中一個與基本最背馳市場之一。

而正因如此,你向客戶日日糾纏於經濟數據、叫嚷經濟數據、新增貸款、地方債務,及降息、降準時間,你份報告一定會被Ban!!

Market就係 market,任何持份者工作只有一個,就係要serve個market,而非孤芳自賞。

大行明白,正當人人想睇A股個股,你仲講降準,絕不入流,於是外資券商近日四出搜臘一批A股分析員,勢要建立A股研究團隊,打響江山。

單單大摩、巴克萊及匯豐,已經正計劃合共增聘近五十名分析員,專跟A股,摩通早前已額外增添中國股票研究部阿頭,專責A股。

瑞信計劃將A股幅蓋股數,增至三百,而花旗亦表明,稍後會專開一條新TEAM睇A股。

A股個股研究員渴市,反之中國經濟師已不吃香,馬駿當官後,由前野村中國經濟師接替,美林陸挺就跳船,加入華泰,接管研究及機構銷售部。而陶老爺放假,名字不在報告之內,更一度引起揣測!

外資大行要搵A股分析員,除內地挖角之外,似乎別無選擇,而據行內人指,內地分析員出名抵食夾大件,人工低、但枝筆有一定水準,而搏出位性格,新一入一批報告撰寫量更高,基本上「咩都可以寫一餐」。

但行內人亦指,內地分析員相當進取,尤其每年行業大獎拉票期間,往往出人意表。

另一樣要考慮是,內地分析員宏觀基礎厚,但對股份估值模式部份掌握一般,大行要搞A股TEAM,或者要同時考慮是否有需要採納內地估值一套,包括用市夢率、引入雙馬效應加入分析。

沒有留言: