股王爆煲

上午十一時左右,近至多個內地微博及財經網站,大如英國金融時報均大字標題報道漢能大瀉及停牌,內媒形容:漢能爆煲!!

而對金融時報來說,此情此景,似有「抵佢有今日」之感,該報一直以來連續質疑566神奇股價表現背後原因。

跟上次暴跌不同,漢能十點左右轉為異動向下,期時「大利是機」買賣兩邊指示盤,其實相當之疏,或者近乎乾,下跌不久,仍不斷有6999掃入,惟當股價跌幅三成以上,港股通6999牌調頭轉沽,無耐股份停牌

市場就是市場,特色之一是每當股價大升、或大跌,總會即時有大堆原因浮上水面,綜合市場版本,566大瀉傳聞原因如下:
一,李河君並無出席今日舉行股東會。
二,行業不景,最大太陽能公司英利表明經營有困難、
三,有孖展被斬
四,傳聞員工股份激勵計劃下,大量股份解禁沽貨
五、有人對賭

主席無現身於股東會,造成千億蒸發,原來真人在北京出席自己旗下清潔能源中心開幕。事後孔明,呢個股東會真係相當重要,大至不能遺漏也。

Well,歸咎關注行業前景?
更妙,更摸不著頭腦,皆因566盈利來源並非太陽能行業,漢能核心業務係阿媽,靠不尋常比例與母公司往來交易,及再從母公司接收大堆應收帳來獲利。

至於孖展被斬,中環人提醒,經過數月前一役,本港券商大部份已不接納566做孖展抵押,講重傷,會係內地大媽及中資券商。

資深中環人一語道破,漢能急瀉,走勢上雖來得突然,但客觀而言,根本屬於The most anticipated event-「出得來行、預左要還」啦! 股價唔應該升咁多,股價就應該跌番好多!!

市場對566一直質疑,正如金融時報三月份報道,漢能由去年開始至今年二月,每日三點五十分,股價幾乎例必忽然抽上,是「神奇十分鐘」!

好聽的係偶然,而隨著股價大插水,亦有提供機會對背後質疑再暢所欲言。

南向資金日增,South bound是否已令港股成為South park、即係衰仔樂園?

那要視乎定義問題。566休戰同日,小鳥股繼續各自高飛:
642百利大優先股升幅一度八倍,但非優先的495一度要跌,383一拆二十,股價可以倍升,米蘭站又再話自己可能會賣,低開一成二,但倒升三成二,呢個就係新常態下的香港市場,我地無能力correct market,但有責任alert market!!

留言

匿名說…
Ngai 總, 股巿做上殺落, 金魚缸人司空見慣, 三四線股好多係靠住個巿好時搞大動作, 然後抽完水就散水, 睇下早輪D仙股, 短短個幾月升了5-6倍. 佢有冇咁既實力值咁既巿盈率? ROE鋪鋪嗌負數, 點解升成咁????心照啦。。。

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將