笨豬．跳

一節體育消息，喺本港舉行第三屆國際笨豬跳邀請賽，繼續第二日賽事，雖然大熱漢能因傷退出，但比賽較尋日更精彩。

上晝賽事由高銀領先，高銀二寶上晝做出難度分三分動作，分別下移六成左右，成功佔據榜首。

以為高銀穩奪次日賽事冠軍之際，但到下午，出現戲劇發展，有神奇戰將之稱，代號2326百靈達，下午兩點忽然參賽，由於負磅過重，百靈最初一度短時間下沉五成，到6.85水平。

正當觀眾報以噓聲之際，百靈達突然使出神乎奇技，果然係神奇戰將，百靈廿分鐘內由6.85，急升上15.7，創出新高。難度分攞滿分!!

有見第二日賽事爆冷，引起國際媒體關注，並臨時決定頭條報道，雖然主辦單位香江388半日內已經要求四位選手解釋表現，但盛傳主裁判歐達禮仍甚表不滿，主動對多名表現異常參賽者調查，睇下有無違規。

翻查記錄，歐裁判三月份曾經點名高銀貨源歸邊，街貨只有1%。

有關主裁判消息傳出後，一度關注會有多名選手知難而退離場，但無耐，一名新秀及一名老將又為國際笨豬跳邀請賽帶向高峰。

新秀滴達5月12日先獲得首次認可資格，下午發力全日抽升約四成，創出新高，滴達由5月12日過關以來，累積彈幅曾經達100%，獲評述團頒發神奇小子大獎

下午賽事爭持不下，臨近三點，老將235中策用盡氣力，收市升一成八，創下參賽以來最佳成績。

中策由「雷文．柯」擔任主帥，剛剛宣佈二供一，話要做發展用途，雷文主帥去年九及十二月，先後批股及供股，已經籌集近三億彈藥

總結第三屆笨豬跳杯第二日賽事，首席評速員黃師傅指，比賽雖精彩，但毫無戰術可言，參賽者主要獨部單方都是賣殼，需要正視。

由於連番爆冷，甚至多次出現疑似犯規，香江388被多次要求跟進，而另一首席評述沈大師就帶病留言：收手啦，速速離場!!!