陣腳自亂


黃大仙總有失準一日,零一年以來,上證單日跌幅超過半成,而之後能夠反彈,機會率高達八成。

對上兩次反彈幅度分別有2%同3%,勢估唔到,星期五全日走勢乏力!

內地股民勇字當頭,踏入去年以來一帆風順,殊不知,千算萬算,兩星期內,致命一擊不是來自A股上證、深圳創業板、而係中環交易廣場!!

繼上星期,「6999之王」、漢能徹底中伏之後,恒大、成為港股通狂熱份子嘅新晉愛股,誰不知一跌兩成七!

五蚊一度失守! 敝台下晝確實收到、多位內地經紀查詢,查探原因,詢問前景!!

內地上至官員、下至股民,對突如其來大跌市、口講調整健健康康,實際異常驚慌!

如果唔係,新華社大行點會火速發文! 匯金也不會忙於解話! 官員、官媒怕跌市,對嗎?
唔通佢地都買左好多貨!?

球證、球員,點可以同一個人兼任,或者因為中國特色的股票市場,繼上次三日內調整一成後,內地股市今次、一日之內,已經從高位調整一成幾,未創新高,先創世界紀錄。

可能因為中港股市融合,又或資金力量,過去好一段時間,外資大戶在港心目中一直被形容為來意不善,沽貨一定係外資,掃貨一定係大媽。

但公平一點,周四恒指曾大跌八百,若非老外掃貨,香江股市已近乎崩塌。

喺啱啱過去一個星期,環球股票基金有45億美元流入中資股,規模08年最多,但大媽竟然陣腳自亂,叫人點認真同你地玩呀!!!

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將