2015年6月18日星期四

共識

唔怕神一樣對手,只怕豬一樣隊友!

大家唔好誤會,唔係暗示緊本港政壇,而係講緊聯儲局內一批官員。

17官員,盡管主席耶倫想盡辦法要團結一致,為加息時間表爭取共識,可惜總是事與願違。

根據美聯儲官員提供的利率預測圖表,有15個預計今年內將會加息,而共識仍然是要加息兩次。

不過同三月分不同,今次利率預測,只有兩名不希望加息,相反揀加息四分一、半厘、以及四分三厘委員,就各佔五個,結果出來共識,就變加息半厘。

但實際上、同三月分比較,實際上估計加息既委員係減少左,反映內部意見其實係非常分歧!

時間要倒數番去3月,在FOMC後記者會上,耶媽透露左央行最早於6月加息的可能,但堅稱她並不急於啟動,特別係第一季GDP意外令人失望。

不過由最近一些指標,包括招聘活動、薪資水平、以及建築支出、汽車銷量、消費者情緒和零售銷售均出現起色,令耶倫更難取得17名委員一致共識。

KC羅博士就拿著所謂委員共識,指未來兩年聯儲局要各自加息一厘,到最終目標利率、要加到三厘七五。

不過細心睇,委員既預測、上下差幅有兩厘、甚至三厘預測差距,其實呢啲預測仲有咩意義?

更不幸係、喺耶倫做結論之前,外部壓力已經比聯儲局更強形勢,包括IMF 拉加德已經表明、耶媽應該到2016年先加息,咁仲唔係公開干預聯儲局運作!?

內外交迫,結果搞到耶媽個人亂晒,一時又話數據不足以支持加息,又話今年仍然會加息。

外界就懷疑包括耶媽在內七票突然轉軑,由二變一,預期今年只加息一次。

FT形容,聯儲局目前就好似如履薄冰,它一方面試圖發出加息信號,另一方面試圖壓制市場震盪風險,以免危及全球增長的風險。

高盛大膽形容,耶倫鴿得比預期鴿,亦將首次加息預測,由九月推遲至十二月。

沒有留言: