2015年6月4日星期四

金錢遊戲


經過連續兩個星期四雪崩下跌,繼而又安然無恙;似乎要帶出兩點呼籲,一個關注。

呼籲一:要炒股首要大前題並非儲足資金,而係搞好身體。
呼籲二:市場要跌每每出現成千上萬理由,好好分析清楚。
至於關注,都係果句,個市咁,老外要建倉,嚇到傻啦!! 仲講入摩指?

內地突然大爆炸,上證,神創指崩盤,後者一度跌7%,理由在於一間名為國盛證券出清標的兩融,大家想得世界末日,內地擔心,而自命國際金融中心,市場素質略高的香港更比人騰。

最後原來發現,今日收市,最少係2007年以來,首次6月4日升市!!!

睇睇國盛咩嚟!!!
零二年成立,截至五月底融資餘額僅12.5億,市場佔有率0.17%,情況等同匯豐股價大跌,歸咎耀才證券下調評級一樣。

市場令人失望,並非在於市場表現,個股波幅,而是市場參與者有欠成熟,經常自相矛盾,甚至為求解釋市況表現求其又是旦。

例如,明明話擔心兩融過二萬億,股市槓桿風險太大,需要正視,到券商做自我風險調節及調現,市場又唔高興,當壞消息。

香港似乎太習慣將內地媒體題材未經檢易直接進口!!

里昂今日評論內地股市,以「金錢遊戲」為題,講的正的寫於1967年著作「The Money Game」(作者只稱為Adam Smith,實際應是George Goodman),將當日美國股市瘋狂狀態,套用到今天A股,令人驚奇是,只需要將公司名稱取代,情節居然完全一樣。

里昂整篇報告無品評、無預測,但一句:This is a kids' market,, We are too old for this.

簡單而又直接。以後個市震盪,咪當細蚊仔扭計!!!

沒有留言: