老翻金融

內地咩都有假，咩都可以老翻。

假蘋果、假「勞」、一概太普通了。最新內地發現，深圳原來有間假高盛。

中國老翻高盛名為：Goldman Sachs (Shenzhen) Financial Leasing，中文名同樣為高盛，記者致電該深圳公司電話，「喂，點解你改個咁既名？」
對方答：「噢，純粹隨意改」，
問：「咁你同美國高盛有無關係呀？」，
答：「無，兩者無關，各有各做」

好野，隨意都可以改個高盛名，兼同金融有關。如假包換的真正高盛亦自嘆不如，皆因高盛現時並只以合營公司身份內地經營，名為高盛高華。

真高盛不能用高盛名字，老翻高盛卻深圳搞起金融租賃業務，話說，老翻版2013年成立，無人知佢地做咩，但老翻物身曝光，源於被查涉及洗黑錢。

高盛有假，內地Apple shop有假，早前更爆出，有聰明仔在內地某城市，成立假建行，提供汽車租賃業務。中國效率之快，創意之高，A股點可以值單位數PE咁便宜!!!

A股今日終於升，有指數為證應該無假。

內地熱愛高盛，製造冒牌老翻，可以理解，A股如假包換的上升，背後歸功於Business insider報道，高盛仍然堅信a股年底前升幅可以有四成。

國泰君安話睇好，唔掂!
中金呼籲抄底，無反應!
李大宵話實升，「唔踩你」！
要由高盛出動方能心動，投資者對內地信任程度，可想而知!