再見艷陽

股票令人著迷之處,在於未到最後一刻未知生與死。

兩個多星期前,全世界認定,香江未見萬八、淡友心不死之際,恒指旋即重上過二萬二!

而正當大戶三千嫌貴,場外配資拆倉弄得天昏地暗,A股又爆6%!

習主席說過,市場回穩,隨即央改,既然央改已公佈,換句說話,中南海已將股市正式定性為調整後雨過天青,回穩一段後,再見艷陽。

波係圓,市場亦咩都有可能發生。中環人開盤,A股今年餘下時間最大意外,可能有兩點:
一,一如內地官網上周報道,摩指入得較預期早
二,深港通以為不會通,其實最終年內通關。

股市搖擺不定,有如醉酒鬧事。
股評人,分析員日日有如高考過關。勝者為王,估中為神。

睇Kenny,你可以學做人,好淡兩派永無特失、
睇黃師傅,你會學曉高瞻遠曯,小心拆局、
而沈大師的豪邁,讓你走出傳統分析框框;

比分析員,股評人,現市況底下,理財顧問,財富管理策略師稱得上是全世界最困難差事之一,角色一樣,職責清一色建議買野,升市叫你買多的,而跌市期間就叫你睇長線。

人民幣跌,你提客戶長遠會升值,港股基金負回報,你又提客戶拉勻十年計贏通脹,年年做推介建議,年年話睇好,難怪打工仔會對強積金恨之入骨。

外國早有統計,若計算收費因素在內,由理財顧問,財富管理員打理的組合,平均一半是跑輸。

經歷殊不平凡的夏季,昂然踏入落葉之秋,投資者睇咩都係假,最重要乃信自己。

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」