舊瓶新酒
金融時報在中國GDP未開估前，剎有介事，叫大家留意5個關注點。
第一個就係GDP Deflator、話數據會否負數，會成為內地經濟是否有造假強烈證明。
未知國統局係咪真係收到風，全年名義GDP最終報6.7%，即係全年GDP Deflator維持負數。單計第四季名義GDP係5.7%、歷來最低。似乎真係無咩水分，假數據、今次「過關」!
外媒都幾有趣，之前踩到中國經濟有幾差得幾差，而家見官方數據唔係太壞、就倒轉話其實內地唔係世界末日，中國並無出現到之前預測的硬著陸，而且「煲大」經濟結構有改善，成為「New Hope」喎!
其實都唔多需要拆局、大家都明白IP 同FAI喺「供給側」改革下，只會愈來愈走樣。唯一希望就係服務業能唔能頂上，吸收殭屍產業倒閉後出現下崗工人。
呢個就要關注下內地人均可分配收入、去年平均近22000人民幣，實質增長7.4%，堅尼系數跌至0.462。
值得留意係農村收入增幅，居然達到7.5%、跑嬴GDP之餘，甚至高於城鎮人口的6.6%，似乎反映農村搞土地流轉、以及三農扶持政策，真係幫到農民增加收入。如果配合埋城鎮落戶、分分鐘可以成為新增長大軍。
不過要留意、內地舊年全年新出生人口不升反跌，全年減少左32萬嬰兒，只有1655萬人。由於之前估計「單獨二孩」政策，可以在2015年更加顯現，甚至有估計會達到1800萬人，而家顯然係事與願違，相信全面放寬二孩，都未必收效，炒二孩概念要小心。
要總結，既無壞消息、但又缺乏亮點，幾乎概括了經濟學家對去年經濟表現。
經濟師話、去年第四季出現的輕微反彈，已經結束，預期今年經濟持續放緩，通縮壓力加大。不過服務業比重增至五成以上，就有利結構改革，預期今年財政減稅，會是刺激政策主調。
市場其實對供給側改革，大體是認同，至少認為向列根同戴卓爾夫人偷橋，都算搵啱對象。
過剩產能配合唔到市民需求，是內地經濟結構問題的關鍵，按去年內地居民出國消費金額高達1.1萬億人民幣，已佔GDP的1.6%，唔少錢都去左買自動馬桶同藥品，難怪中財辦楊偉民，都要專登攞「自動馬桶」來解說供給側改革。
只係當中最大風險，係驚阿爺學啲唔學啲。人家戴卓爾夫人將國營企業私有化，無效率就由佢倒閉，但中國而家似乎係相反方向，透過國營企業合併重組，成為更大的巨無霸，以大吞小，恐怕倒頭來，供給側改革只是另一個改了名、又是「舊瓶新酒」的技倆。
第一個就係GDP Deflator、話數據會否負數，會成為內地經濟是否有造假強烈證明。
未知國統局係咪真係收到風，全年名義GDP最終報6.7%，即係全年GDP Deflator維持負數。單計第四季名義GDP係5.7%、歷來最低。似乎真係無咩水分，假數據、今次「過關」!
外媒都幾有趣，之前踩到中國經濟有幾差得幾差，而家見官方數據唔係太壞、就倒轉話其實內地唔係世界末日，中國並無出現到之前預測的硬著陸，而且「煲大」經濟結構有改善，成為「New Hope」喎!
其實都唔多需要拆局、大家都明白IP 同FAI喺「供給側」改革下，只會愈來愈走樣。唯一希望就係服務業能唔能頂上，吸收殭屍產業倒閉後出現下崗工人。
呢個就要關注下內地人均可分配收入、去年平均近22000人民幣，實質增長7.4%，堅尼系數跌至0.462。
值得留意係農村收入增幅，居然達到7.5%、跑嬴GDP之餘，甚至高於城鎮人口的6.6%，似乎反映農村搞土地流轉、以及三農扶持政策，真係幫到農民增加收入。如果配合埋城鎮落戶、分分鐘可以成為新增長大軍。
不過要留意、內地舊年全年新出生人口不升反跌，全年減少左32萬嬰兒，只有1655萬人。由於之前估計「單獨二孩」政策，可以在2015年更加顯現，甚至有估計會達到1800萬人，而家顯然係事與願違，相信全面放寬二孩，都未必收效，炒二孩概念要小心。
要總結，既無壞消息、但又缺乏亮點，幾乎概括了經濟學家對去年經濟表現。
經濟師話、去年第四季出現的輕微反彈，已經結束，預期今年經濟持續放緩，通縮壓力加大。不過服務業比重增至五成以上，就有利結構改革，預期今年財政減稅，會是刺激政策主調。
市場其實對供給側改革，大體是認同，至少認為向列根同戴卓爾夫人偷橋，都算搵啱對象。
過剩產能配合唔到市民需求，是內地經濟結構問題的關鍵，按去年內地居民出國消費金額高達1.1萬億人民幣，已佔GDP的1.6%，唔少錢都去左買自動馬桶同藥品，難怪中財辦楊偉民，都要專登攞「自動馬桶」來解說供給側改革。
只係當中最大風險，係驚阿爺學啲唔學啲。人家戴卓爾夫人將國營企業私有化，無效率就由佢倒閉，但中國而家似乎係相反方向，透過國營企業合併重組，成為更大的巨無霸，以大吞小，恐怕倒頭來，供給側改革只是另一個改了名、又是「舊瓶新酒」的技倆。
留言