負利率

富瑞報告開宗明義，話猴年股市開局諸事不順、不過今次唔好性「賴」，再用「China Effect」去解釋過去幾日環球大跌市，是關、中國休市!

確實、過去幾日內地假期、環球金融市場波動，無左中國效應，日股同日圓，可以話係今次拆倉潮最大動力。

日股過去兩日累計跌近1300點、日圓仲恐怖，一度低見111，由1月底121水平，幾個交易日已跌8%，兌港元更升值至「七算」，咪話唔恐怖!

日圓大跌，背後原因到底是地緣政治問題再次升溫? 南北韓局勢持續緊張? 抑或資金避險? 其實都唔多重要。

野村更提出、背後原因是中東主權基金拋售日圓資產，與早前有消息話國指大跌、歸咎於南韓資金拋貨平倉，有異曲同工之妙。

但銀行界人士話、更大憂慮，來自負利率戰一旦升溫，形勢不妙。

星期四、瑞典央行擴大負利率規模，指標回購利率下調0.15%，令到官方利率跌至-0.5%，並表明不排除會採取進一步行動應對低通脹及經濟疲弱。

打從日本央行早前實施負利率後，全球憂慮央行採取新階段極端貨幣政策，十年期國債中、日本用年期公債率息率先跌至負數，全球負利率債券累積規模，不足一星期增加二萬億美元到七萬億以上。

隨著歐洲、日本，瑞士及多個北歐國家實施負利率，美國取態令人關注，聯儲局主席耶倫於國會聽證會被多次追問，僅重申目前未有研究。

惟利率期貨反映、明年底有17%機會出現負利率，比例較估計加息更為多。

美林相信、一旦美國經濟轉差，不排除美國會步歐日之路，但該行相信聯邦基金利率會先調頭減息、先實行負利率部署。

摩通預測，全球央行會將利率降低至遠低於零利率水平，其中已實行負利率央行、包括日本及歐洲，利率會降至負3.45及4.5厘，至於聯儲局亦有可能因為經濟再次陷入衰退，將利率降至負1.3厘。

負三至四厘負利率，說出來相當嚇人，亦非比尋常，但是否不可思議? 去年羊年伊始，又有幾多人估到金融危機會重現?