巴拿馬的香港

巴拿馬文件由周一開始醞釀，到呢兩日開始爆發，事件震驚政商界。其中冰島總理已率先出事、市場關注喺商界，幾時會爆出第一滴血？

公平些講，在巴拿巴開設離岸公司避稅，並非新鮮事物，原因係近年其他避稅天堂，好似係瑞士、盧森堡、英屬處金島、甚至係開曼，近年都加強公司透明度，以免被國際指責，參與洗錢活動。

唯獨係巴拿馬、既非OECD成員，但本身又受法律保障，近年成為避稅天堂。銀行要協助私人客戶避稅，最普遍做法、就係Private Banker透過在巴拿巴成立離岸公司，再委任所謂提名董事，以掩飾真正股東身分。

事件對獅子錢莊最大炸彈、在於去年先出現瑞士私人銀行事件，歐智華當時仲可以將責任，推卸到前任身上。但今次正正就係歐智華本人在巴拿馬透過涉事既莫薩克‧馮賽卡律師行開設私人帳戶，表明佢非常熟悉當地離岸戶口運作，顯然難以脫身。

更令人奇怪係、匯豐涉及戶口數目之多，佔已揭發總數15%，不但是單一最大金融機構，而且數目遠比排二、三位「瑞士邦」多出一倍，隨時又會成為英美監管機構開刀對象，結果拖累股價比渣打、仲快見底，離大摩最熊目標28蚊愈來愈近，股息率望一望、已經去到８．６厘！

以穩健見稱獅子錢莊、點解咁失策?

有留意今次泄密名單，除了最觸目的普京外，就數內地有八名現任或前任政治局常委，其中更有「習大大」既親兄弟，其他內地政商界人士更不計其數。獅子錢莊以聚焦大中華市場見稱、又點可以得失大客戶？

或者咁都可以解釋到、香港在文件之中，分別在中介機構數目排名，以及設立離岸公司數目，同樣稱冠，超過瑞士及英國。

香港官方目前尚未對事件有正式回應、但有稅務專家已經警告，香港本身雖然並非離岸天堂，包括不容許匿名持有公司，不過由於資金自由流通、向來都是各地企業和富豪到離岸天堂註冊公司前重要的中轉地。

今次事件如果處理得唔好、除左本地最大獅子錢莊出事，香港分分鐘會成為巴拿馬以外，最首當其衝的一個經濟體。似乎財爺可能都要花啲時間、諗諗點拆呢個局。