2016年5月13日星期五

中國特朗普

特朗普成為美國總統、可能唔再係黑天鵝,更令人意想不到係、當中國特朗普冒起,世界可能會變得不一樣!

唔好擔心、喺中國當然無一個狂人可以挑戰中央,不過華爾街日報標題話、一股將特朗普推上共和黨頂峰既政治勢力,同樣在內地冒起: 民綷主義。

美國既民綷主義起因係伯南克推出QE之路,令低下階層愈發不滿貧富懸殊。同樣,內地08年開始搞既強刺激,以及近年「大水漫灌」,亦成為左民綷既溫床。

基於內地經濟放緩、加上供給側改革,殭屍企業一間接一間倒閉、下崗工人數以百萬計,內地既不滿情緒開始轉向支持昔日最巨精神象徵既對象: 毛澤東。

樣版戲、「大海航行靠航手」呢類富有毛澤東色彩既民間表演、近來開始在農村、甚至三、四線城市又再流行,簡單講,就係借昔日既「偶像」,來反映對現況既不滿。

華爾街日報話,正如特朗普最終走不出共和黨,毛澤東主義復辟都無離開過共產黨,呢啲反對聲音好多時都係潛藏喺黨內,特別是年紀較大既一批幹部。

毛澤東主義復辟既同時,今年正係文化大革命50周年,呢場令多達二百萬人喪命、號稱人類史上最大型群眾活動,官方當然唔會有正式紀念活動,幾個政治局常委、包括習近平同李克強,最多都係宣傳下,自己下鄉期間點樣接觸民眾,但對文化大革命真正既深刻反思,肯定唔會在內地出現!

不過經濟學人提出、習近平成為毛澤東之後、內地最有權力既領導人,有幾個傾向顯得令人擔心,包括向黨內反對勢力作出攻擊、以及全面發動黨內反貪,畢竟、絕對既權力好容易出現腐化。

而今個星期一篇「權威人士」報道、幾乎改寫左第一季以來今年內地經濟走向既樂觀情緒,尤如「一把掌」摑醒整個神州大地。

好似瑞穗沈國光所指,文章重點不單在於對國內形勢及政策取向的180度轉變,包括對過渡投資同信貸既批判,更重要係文中既觀點,同現行政策仍至高層之前既發言,有明顯不同、甚至前後矛盾。

當中好似副總理張高麗、年初提出首季經濟「開門紅」,權威人士就反駁不應用「開門紅」、「小陽春」形容短期經濟。而李克強曾經要著力搞好「債轉股」,但權威人士幾乎全面否定。

沈建光引述,權威人士既身分,已引來上層決策者之間,公開不和既說法,而在政圈及財金圈中,有廣泛揣測係習李之爭。

中環人話,總之而家形勢未明,內地最安全造法、莫過於緊隨阿爺路線,既然連陶冬都咬定,權威人士就係習近平,咁好似王曉初呢啲官場老手,話業務會「L型」發展呢啲咁莫名其妙既講法、肯定會成為更廣泛既官式答案。

沒有留言: