2016年6月14日星期二

公投


聯儲局議息及英國公投,一比之下,A股摩指夢,已變得極為渺少。

高盛最新報告指,以標普五百期權移動去引申,原來,市場視耶倫議息會議係Non-event!

市場對英國公投,原本由視而不見,到上星期開始反映箇中風險,而期權同時反映,有4%機會未來幾個月全球股市出現熊市‧

大英帝國一場公投,由於民主國家,民調效應造成日日新鮮、日日金情況,兼以大報社論公然撐脫歐。逼真也好、現實需要也好,或者由現在到公投日,股市要跌著來等吧!!

前首相、白高敦撰文,力撐留歐‧白Sir強調,留歐定脫歐,係保就業同經濟;與及抗難民、抗炸彈之爭‧

亦係高度自主、與及反全球化之別‧

更可圈可點是,白高敦形容,保守黨從來對歐洲立場來得簡單,要的是Half in & Half out。

白高敦撐留可以不理,但當中論據值得細味,矛頭直指原意借公投,力抗「疑歐派」的卡梅倫,結果搞出個大頭佛來。

民調可以不理,英國博彩公司從來有一定準繩度,根據全英、最大博彩機構「立博」透露,有以下現象:
一:近年上網賭公投、急升三倍。
二:以人數計,賭脫歐、佔大多數。
三:以彩金計,留歐仍然居多。

而截至今日為止,留歐賠率相當於一蚊賠1.66元,相反脫歐是2.25倍‧

即留歐仍然比較熱門,但博彩公司正在不斷修訂。

德國十年債息、見負數!股市再度應聲下挫。有人歸咎,係賠率變動惹來的禍。

當格羅斯不斷警告,長升長有既債市,會出現「超新星」爆炸,投資者既反應係: 啋你都傻!

英、德、日、新西蘭債息、已經先後創出紀錄新低,作為歐洲最重要借貸指標,德國十年債息終於歷史性步入負利率行列,同遠在地球另一邊既日本、雙雙出現負利率。

德國債息之所以有指標性作用、追溯源頭可以返到去70年代,德國中央銀行決心打擊超級通脹,從此德國債息就被認為是最受歡迎的避險天堂。

其實去年初、德國十年債息已經幾乎出現負利率,不過期後歐央行出手、風險胃納改善,在六星期內債息由0.16厘飊升至一厘水平,史上稱為「德債震怒」事件,勢估唔到剛剛只係一周年紀念,德國債息終於失守。

資深交易員話、以德債今日愈升愈有趨勢,零利率恐怕會維持長時間,德債大牛市只是剛剛開始。

上星期先表明、要買入多幾個金庫存現金對抗歐央行負利率既德國商業銀行,估計目前德國主權債中,有三分二主權債息率,均低於0.4厘水平。目前全球負利率既主權債、已經超過十萬美元,負利率幾乎成為全球現象。

目前全球負利率既主權債、已經超過十萬美元,負利率損害銀行經營已經係眾所知,更大威脅係以目前超低利率既水平、一旦利率真係轉勢,引發既潛在損失將難以估計。

歐洲市後,港紙呈現強勢,有人話係摩指,亦有人反指、係因為香江債息仍然有一厘,憑佢三條A評級,梁振英贏默克爾咁話!

1 則留言:

Patrickov 說...

十萬美金很小,你是指十萬億吧!