2016年6月16日星期四

直昇機派錢


是日因美日央行按兵不動,導至金融市場大亂,日圓單日急升超過2%,資金避險黃金升至近兩年高位。

同聯儲局一樣、日本央行行長黑田東彥其實係想等待英國公投結果,呢個想法係可以理解,但投資者同資金似乎並唔認同。

坦白講,今次已經唔係黑田第一次「出事」! 今年四月時、當時預先張揚會加碼QE,結果黑田又係咩都唔做,當時日圓單日又急升3%,咁係咪無學到教訓?

大摩及瑞信、今日不約而同,用全球經濟大造文章,並矛頭直指,零八、零九年起的央行貨幣量寬政策,再繼續的話,不旦效用成疑,而且越來越來叫人反應!

大摩形容,目前全球經濟類似1937-38年,通縮之中醞釀衰退,而瑞信更進一步,相信衰退逼近‧

瑞信環球策略師認為,以實際表現計算,全球經濟實有被低估之嫌。

該行指,最少以美國為例,實質增長目前其實比高峰期高出一成一,但通縮的存在,導致反彈幅度較以往規模有所偏離‧

唔只瑞信,環球有名氣經濟師,一早就認為央行對通脹目標執迷不悟,而忽略、或者故意忽略
近十年全球人口老化。

仲有互聯網經濟盛行,改變緊實際投資、勞動力同消費行為,限制咗央行守護通脹上升嘅空間。

既然如此,瑞信決定送你一程,一方面不斷質疑再推貨幣量寬弊多於利,同一時間力谷財政量寬政策的相對好處,說穿了,某程度上是製造央行帶動投資急速增長的潛在既成事實,從而力sell股票

財政量寬,根本是直昇機派錢‧瑞士邦認為,基於央行要谷通脹、谷投資、谷消費,又怕政府債務多,透過某種形式由央行補貼最簡單不過,例如基建項目,政府無錢、咪叫央行印!

兜個圈,作為投入項目興建用途;又或者,政府要減稅,變相派錢,亦可以透過央行發債,籌集所得、作為補貼政府收入缺口。

央行直接派錢,其實已經由避而不談,變成為央行備用方案之一,據報,日本央行老早就廣邀貨幣政策專家及經濟學者,提交備用意見,伯南克正正在名單之中‧

老細派錢,個人名義上錢多了,但根本錢只會越來越唔值錢!

老實,面對全球政策道德淪亡之際,為免將來值、進一步減少,提早註銷呢筆銀紙嘅現在價值,在最短時間,全數花光,實質回報話唔定更多。

沒有留言: