犧牲


如果一如分析員推算,寶Baby屠刀大行動,所節省開支僅為五千萬,以一百八十名受影響員工計,平均每人僅為東亞慳27.77萬港元。

從另一角度,高管稍為減花紅,公務開支稍為再控制,推廣花費稍為再削,一百八十未必全保,但數目肯定少於此。

東亞內部消息話, 原來周三銀行已經準備派大信封, 不過由於人事部未能完全處理, 結果要拖到今早。員工要準時八點九就返到公司, 一收到電話就要上人事部收信, 可想而知真係人心惶惶, 好多員工都話, 一夜難眠。

為僱主賣命,身先士卒,生於東亞人,死於東亞鬼,但最怕是犧牲得毫無價值。

以粗略五千萬成本效益計,僅僅令銀行在去年整體51.12億開支基礎上,減去五千萬,即相當於減幅不足一個百分點,東亞要怪,除行業不景氣之餘,更要怪點解去年下半年開支仍然可以升一成一?

去年,東亞紀業務營業額及稅前利潤分別錄得31%及113%增長。但Baby哥就早埋下借小加過橋伏筆,年報說明: 「2016年前景依然不容樂觀,來年,本行將繼續整合經紀業務,以提高盈利能力及提升旗下的流動交易服務。」

銀行分析員對東亞早就毫無興趣,但對於東亞「郁」證券業務,既理解,亦大感不惑。

理解在於相關佔比僅三個百分點,比大新更為之低,是作為向股東交數的一塊好材料。

至於不惑,問題源於東亞問題從來不是證券業務所致,香港呆滯之餘,內地業務亦談不上止血,Baby哥要重振雄威,倒應該在內地業務著手,尤其不良貸款。

老實,相比其它銀行,東亞尷尷尬尬,加息不受惠,低息亦不見有好處,相反,內地貸款需求下降,同一時間質素轉壞,BEA憑其超過三成內地貸款組合佔比,若非偶爾賣弄併購概念,老早就.......

對上一次東亞裁員, 已經是2002年, 剛好是沙士之前, 之後十四年即使遇上08年金融風暴, 東亞都只是以凍薪渡過難關, 今次係咪反映銀行業經營環境更困難?

也許多謝股市死氣沉沉,為東亞奠下十四年來首次裁員下台階,惟從其近57%成本對收入比率計,似乎More to cut!

公平一點,東亞問題乃基於自身問題外,跟香港金融圈已步入漫長黃昏原無關係。

內地及本港客觀環境以外,陳樂文及歐大哥旗下兩大市場警察,單單KYC一範,賓卡老早就怨等同Kill me 先。而近年開公司戶口,困難程度不下於中六合彩,銀行仲有咩好做?

留言

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將