陰陽

港股通額度不斷用盡，居然可以成為加快深港通推出既理由。問過所有中環人、港股幾時變得咁吸引? 答案清一色一個: 「不知道」!

有觀察開滬港通額度既分析員，將港股通使用額度同恆指做比較、發現港股通真正加快使用，主要是四月中打後出現，期間更錄得破紀錄，連續26個交易日淨流入。

而且同去年「大時代」流入資金性質不同、幾乎係恒指跌幅愈大，南下資金流入資金速度就愈快同穩定、可以話完全無視「市況」。

當然、部署深港通係相當正路既解釋、但無視市況似乎不盡是傳統股市投資者做法。坊間開始揣測，實際上係由於其他資金流出途徑、已經被人行一一落閘，唯一有機會從「正途」調錢，就只有港股通。

但人民幣過去幾個月、不是已經重回穩定既軌道，點解仲要咁心急「走錢」? 高盛一分報告今日提供左答案。

高盛提出，人行匯率政策改參考籃子貨幣表現，雖則獲得市場認同，但內地企業及居民毫無適應，高盛指，在新機制下，美元升，人民幣中間價變相要下調，但對內地市場人士來說，反過來觸發貶值憂慮升溫。

呢個講法雖然好似好吊詭、但又實際符合國情，唔單止大媽大叔，甚至係企業既高管，一向只懂盯著美元做生意，你同佢講一籃子貨幣匯率，根本就毫無頭緒。

更令高盛擔心係、如果情況持續，分分鐘會重演今年一月，人民幣貶值觸發環球金融市場震盪。

關鍵都係喺耶倫身上、隨著美國加息預期重燃，高盛關注，出現年初情況風險會再度上升，而人民幣一次過大幅貶值預期亦隨之而來，再次加快資金流出。

高盛策略師、就以「陰陽」形容人行同美聯儲關係，而且互動影響既關連性，正係日趨擴大，而美元升，人民幣跌所引發的市場反應，已逐步形同一個人民幣及聯儲局公開市場委員會政策互動流程，變相影響美息走勢。

經濟學人新一期為人行平反，統計由去年8月起，人行開出中間價、實際上已經緊盯之前收市價，兩者之間既差距，由過去兩年平均0.06元人民幣，顯注收窄至0.009元，幾乎可以話係無明顯差距。

當然、經濟學人不排除人行有足夠能力透過幾間國有大行，以市場力量左右人民幣收市價，從而影響中間價開價。

但對分析員及交易員來講、其實人行重新Revamp 人民幣匯率機制，已經開始獲得信任，下一步要做、反而係要向內地居民及企業，教識佢地點樣信任人行。