2016年7月18日星期一

強政厲冶

曾經何時,新加坡一直以香江小島作假想敵,時至今日,香江小島贏,僅局限於背靠祖國,但論效率,及快刀斬亂麻之果斷,魚尾獅係堅叻!

今日,魚尾當局分別盛傳及確認會做兩件事,均值得香江小島,尤其林鄭司長討論。

眾所周知,林鄭三坐山之一,其中包括MTR,港鐵。新加坡,地鐵叫MRT,而據華爾街日報報道,淡馬鍚忽發奇想,忽然想將MRT私有化!!

MRT私有化目前仍然傳聞當中,但按華爾街日報報道,部份理據卻構成跟香港一定共通點:
一,營運開始走樣,尤其2011年底兩宗重大事故,令服務大幅受阻,未幾,高層下馬,呢點MTR與MRT猶為相似,甚至有過之而無不及;
二,新加坡當局早前將MRT列車資產收購,令MRT只負責維營及維修,盈利前景一般,呢點,66部份相近,但亦不盡不同。

MRT市值僅18億美元,淡馬鍚持股54%,新加坡要做事,話都無咁易。

相比之下,66超過二千億市值,但政府持七成半股權,實際私有化金額以市值計其實六百多億,或者,問題在於政府如何界定港鐵,到底屬於要提升效率的公用事業,抑式梁特及林鄭司眼中的福利事業。

同日,「魚尾獅」交易所忽然宣佈,為加強營運,為提升商業運作及決策彈性,決定自行放棄前線監管者身份,交由屬下機構,但由政府委員會負責管理的機構把關。

無獨有偶,魚尾獅交易所上周交易大停頓,而前前後後不斷有市場聲音批評坡交所角色衝突,點都好,一如中環人形容兩宗事,兩個機構,兩個處理手法,顯然新加坡更好野!!

龍與英,誰人更強政厲冶,一聽就知輸贏!

沒有留言: