最危險時間


當散戶只懂估加息唔加息的時候,其實聰明錢已經告訴大家,市場利率全面抽高。

主權債券利率,由七月低位0.39厘、飊升到0.6厘,係6月23日英國脫歐以來,最高水平。

我地呢兩日拆局都講完又講,債息回升既訊號,絕對股市日升日跌重要。雖然聯邦基金利率話9月加息機會率只有22%,不過正如英國脫歐既博彩賠率,其實利率期貨更多反映、係所謂市場共識多於實際變化,而所謂市場共識、其實係可以同現實脫節。

由呢幾日包括一眾名嘴、好似係新債王岡拉克、摩通戴蒙,以至著名經濟學者埃爾阿里安同埋BridgeWater既Ray Dalio、Elliott既 Paul Singer,都批評央行再唔出手,可能已經為時已晚!

當中、作為對沖基金界相當受人注目既Ray Dalio同 Paul Singer都點出央行既政策錯誤,已經大大增加市場潛在風險。

Paul Singer更大力評擊形容央行措施是人類五千年文化歷史上,最嚴重既錯誤之一,投資者根本唔明白自己面對既風險,形容眼前係人類歷史上最危險既時間。

較為客觀、應該參考埃爾阿里安說法,正正指出央行幾年下來既超低利率已經嚴重扭曲市場,過分鼓勵Risk taking行為,因此而家需要修正,下個星期有好大機會會加息。

不過埃爾阿里安話、唔好判斷美國係會進入加息周期,因為實體經濟仍然未能負荷,因此當局應該保證、係利率會維持超長時間低企。

央行決策者其實點會唔知自己既決策局限,以鷹鴿兩派近期的對恃,特別係重量級人物副主席費希爾取態,拆局買Call,係下周好大機會加息四分一厘!!

當然、市場聲音永遠有兩面,好似經濟學人及FT 馬丁. 沃克仍然堅持低息先至係可以避免經濟衰退良方,認為加息只會是錯誤決定。

不過好像Ray Dalio所言、全球13萬億美元既負利率債券,已經令債市步入一個相當危險的泡沬,而家再唔想辦法處理,唔通真係要等泡沬叛爆破先收拾殘局?

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」