鬼船

南韓最大嘅貨櫃船公司「韓進海運」，申請破產，震驚整個航運業，堪稱係航海版嘅雷曼風暴。

呢單全球航運業史上、最大宗嘅破產案引發韓進嘅船隻滯留公海，「鬼船」遍佈全球。

巨輪沉没掀起嘅滔天巨浪、影響咗全球超過一半嘅貨主以及代運企業，中國、日本、新加坡等多個港口，因為擔心收唔到錢，已經拒絕俾韓進嘅船隻駛入。

超過50萬個集裝箱、貨值超過140億美元嘅貨物，被迫喺公海漂流，無法靠岸卸貨，部分船隻及貨物，甚至被權債人私自扣押抵債。

貨主唔能夠如期交貨、部分貨更下落不明，而一啲唔攞得耐嘅貨亦變壞報銷，導致供應鏈斷裂，特別係宜家、正值美國感恩節假期前嘅付運旺季，打擊更為嚴重。

韓進係全球第七大航運公司、擁有79艘貨船，停泊喺全球26個國家，51個碼頭，佔全球集裝箱海運量嘅3.2%。

承運北美跨太平洋航線、更接近8%嘅貿易量，美國四名南加州國會議員，就要求商務部介入調庭，以免打擊當地運輸及工人生計。

據稱韓進海運欠債54億美元、要即時支付嘅港口費，超過1億美元，韓進嘅最大債權人、韓國發展銀行正同相關負責人、討論交付費用，以免旗下嘅船隻被扣押。

韓進突然破產、觸發運費急升，多條韓進有份參與嘅航線，運費升超過5成。

帶動理波羅的海乾散貨指數、升到11個月高位，由今年2月時嘅歷史低位回升返1點7倍。

不過業界人士認為、航運業最大嘅問題仍然係供過於求，就算係韓進破產，但佢地嘅貨輪唔會因為噤而蒸發、一旦航運中斷嘅情解除，市場將會回復頹勢。

貿易停滯嘅原因、包括中國經濟轉型，而生產自動化嘅便利，令廠商唔需要再將生產線分散世界各地，各國政府嘅貿易保護升級，都打擊到全球貿易。

過去9個月、全球15大嘅貨櫃船運公司，就有4間已經、或者開始撤出市場。