逆景波

公平啲講,友邦交出成績表,其實唔算差,分析員平均估計新業務價值只有單位數增長,最終交出成績表、按季仍然有16%增長,算交到功課。

似乎杜嘉祺都意識到、必須盡快將友邦同銀聯卡事件「割席」,所以非常罕有地,在業績公布中交代今年首兩月新業務價值增長仍然強勁,分析員亦都收貨,話有助紓緩市場憂慮。

當然、今日無事,不等於日後無事,基數效應會唔會在三、四月之間出現? 下半年又有咩方法可以減少市場憂慮,呢個先係考驗友邦管理層功力。

過去打著高速增長、亞洲新興市場概念、高流通量股分、加埋西方企業管治水平,令友邦上市多年以來都打緊「順景波」,杜嘉祺就好似佢做慣沖鋒陷陣球員角色,無往而不利。不過環境一旦逆轉,「逆景波」係咪咁容易打? 好多時更講究一個人既QE。

以友邦香港VNB增長來看,其實增長已由上半年60%放緩29%,趨勢放緩係不爭事實。內地落閘肯定唔會係一時三刻就會放寬,好在友邦賣得最多保險產品,的確唔係阿爺擔心既投資性質較重時壽險產品。

翻查資料,友邦香港保費產品主力係5至10年,佔比有近7成,相反短年期少於5年既,比重只有1%。同時一時間,近年增長稱王既中國人壽海外,少於5年期既保險產品,佔比多達97%,而且回報特高,往往投資收益都有3至5厘,一比較之下其實都知影響邊個更大。

而且唔好唔記得,友邦目前內地業務、是唯一一間可以全屬外資擁有保險機構,去年VNB增長就高54%,甚至超越香港42%。以規模計,內地業務已經僅次香港,他日難保唔使靠銀聯卡,已經可以Capture 到內地一批高增長客戶。

有大行分析都計過數,友邦內地主打保險產品,競爭能力不低於內險,賠付及經營能力亦遠較對手強,假以時日,單靠培養內地市場,不難阻礙友邦繼續高速增長。

值得留意係管理層今次刻意強調增加派息,有分析員形容已經係股價最後防線,但就算以25%增幅計,友邦payout 都只係33%,低於估計40至60%。

有手痕友計過,杜嘉祺在業績聲明中,一共用左超過四十次「Excellent」,但路透就批評、管理層既信心不能反映在派息上,是恥辱「Shame」!

不過有分析員都笑言,保險公司天性就係穩陣,如果杜嘉祺可以日後維持到漸進派息,未嘗唔係一個日後既賣點。

留言

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」