2017年3月28日星期二

接盤俠

人民日報屬下中國經濟周刊,周一晚發出一篇評論文章、題為「去香港炒房的、你們已被國家盯上了!」

文章標題嚇人,內文用首富李嘉誠帶出,多虧內地一批「接盤俠」,令超人長實地產大賺一筆、甚至有未來一、兩年樓價睇唔到會跌既結論。

中國經濟周刊文章帶出,香港已成為資本出海首選,除左保險,買樓就成內地人熱門投資,就好似買白菜一樣買樓,既令香港成為中國資本外流避風港,更成為中國狙擊資本外流既主戰場。

文章以最近銀聯卡叫停刷卡買樓,證明內地監管正在升級。如果趨勢唔得以扭轉,監管層將祭出更猛既利器,香港樓市最終就會遇冷。

對於海航呢一批瘋狂來港盲搶地買家,文章亦警告,呢啲企業既資金大多來自中資銀行,其實變相就係抽走左內地實體經濟既血液,監管層豈能不著急?

所以結論係、該出手時候就要出手。

到底呢篇文章係純粹催炎附勢,定係內地測試既風向標? 市場可以各有演繹,不過記得上星期,高價投得鴨脷州地王既合景泰富,表明內房投地計數方程式,就係只要面粉貴唔過面包、就要買,呢種計數方法,對本港發展商可以話當頭捧喝。

而事有湊巧,花旗以同樣既理據,提出內地一線、二線城市既調控措施,應該伸延至本港,特別係行政長官梁振英,3月中被委任為政協,相信他會面對打壓樓價再升既壓力。

另一個出招理由,係林鄭作為候任特首,樓市政策理念與梁振英一致,而於短短兩個半月內樓價再急升,已經明顯不為政府接受,所以由今個星期五開始,每個星期五都係政府出辣招既高危期。

市場都明白、再加重印花稅其實收效已經不大,所以花旗獻計,可以由差餉入手。目前本港有65%為自住,即有34%為投資性質,可以佢地差餉加至兩倍,甚至三倍水平。

以未來一年為例,差餉徵收率係5%,雖然預算案對全港業主都作出寬免,但花旗建議可以向持有多過一個物業既業主,徵收額外差餉,如果去到三倍水平,相信會增加持貨成本。

有業內人士已經估計,如果真係有新一輪辣招,政府會同時出手、修訂「一約多購」既漏洞,甚至由稅局出手,以違反稅務條例,向之前既「一約多購」買家,追收差額,咁肯定會收更大震懾作用。

面對樓市失效、再推更多土地,只會被中資「內外夾擊」,反而進一步推高樓價。既然特區政府已經習慣事事請事中央,點解樓市政策唔可以? 可能市民會高度歡迎呢種介入手法?




沒有留言: