2017年3月6日星期一

化蛹成蝶

留意今年政府工作報告直播,內容欠新意之餘,連過去四年李克強獨有「金句王」本色都欠奉,成場直播、悶之餘都係悶。

來到五年任期最後一次,觀察家本來期望,係總理會更有個人特色,「壯士斷腕決心」、「大眾創業、萬眾創新」,呢啲金句,今年除左「化蛹成蝶」勉強入流,其他都搵唔到。

另一不尋常係三十幾頁的工作報告中、雖然多次提到習近平的領導核心地位,但真正贊揚習近平成就的、就只有一次,與過去幾十年來的做法,顯然不同。

華爾街日報爆料,李克強任期在今年屆滿後,十九後將不會再被留任總理,習近平需要安排更心腹人士出任總理,為十九大後策略轉形,進一步作部署。

有留意今次兩會前夕、中央罕有提前進行人事布局,銀監會郭樹清、發改委何立峰、財政部肖捷、商務部鍾山,全部均屬於經濟財金系統重要職務,罕有都在兩會前完成任命,觀察家形容,就係為下一步更重要人事布局、率先掃除障礙。

法興既姚韋其實形容得好貼切:整分工作報和就係充滿矛盾,由希望保增長同防風險之間保持平衡、又要減債務但唔想地方政府過分削減職位,其實總理分工真係唔易打。

值得留意係去年在去產能下、煤鋼下崗工人已經超過70幾萬人,估計今年會進一步增加,而且唔少人根本搵唔返企業崗位,要到農村工作,生活質素可想而知。

部分省市好似山西省、已經表明今年無法達到政府提出工作指標,表明需要其他省分協助,否則二萬幾個煤礦工人下崗、將難以處理。

要知內地官場文化,攞威就要排頭位、認低威就等如宣告官場生涯結束,所以山西真係到左絕路。某程度亦可以解釋左、點解今年去產能規模無再擴大。

唯一可以肯定係、內地為保金融穩定勢必放棄資本帳開放同國際化步伐,整分工作報告提及匯率簡化到只有一句「市場化」。內地經濟師相信、除左有利內地資本市場發展外,其他改革都一切免問。

所以香港喺呢個「化蛹成蝶」過程中,一定要問自己,都可以承受幾耐陣痛? 還是好像內地高鐵專家所言、香港太嬌慣,不聽話就滾出去?

沒有留言: