2007年5月30日星期三

白紙

欲罷不能,繼續講上位。

有網友問,一個有效團隊,雖然唔怕認錯,但經常向上匯報自已出錯,最終必會被拿作開刀,結果都係不得善終。

其實哈佛分報告並非以一年作為研究時間,而是以十五年作為基礎。
不錯,「擦鞋功夫」做得好,可以令你一時三刻春風得意、語無論次,不過時間愈長就愈見真章,單是擦鞋功夫不能令你渡過危機。

但,擦鞋真係無前途?

對,如果你是一個只懂嬉皮笑臉、只識拍馬屁的典型肥仔,對不起,今時今日,
第一個死一定係你。

不過你如果學到一套捉摸老闆心理的技倆,仲有機會做到飛黃騰達。

記起一個小故事,古時有個地方七品芝麻官,一日收到一個秀才拿著宰相發出的信件,想當然又是甚麼皇親國戚、要求得一官半職。
呢個地方官打開信件,發現除了下款有宰相印章外,一個字也沒有。
芝麻官拿著函件,一臉不知所措,唔知宰相到底有何用意。
此時一直看著芝麻官的師爺,想也不想就吩咐下去: 「安排佢做一個唔使點做的工作,不過也不要委以重任!」

點樣解讀呢張白紙?

其實宰相不下一個指示,一方面係暗示根本無指示可言,擺明已經告訴你此人無咩專長,不過亦不好推掉,就放在一些可有可無的崗位。更重要的是,宰相不想留人話柄,索性不題一字,免得日後有麻煩。

今時今日,就算做「擦鞋仔」,都要識做一個懂得增值、更重要是話頭醒尾、少給老闆麻煩的員工。
突然記起,傳聞我們的CE,有一套擦鞋小工具,仲話擦鞋可以減壓云云.......

3 則留言:

陳吉 說...

是否「擦鞋仔」要看你站在哪個位置看
如果A君曾經跟你同grade
今天已是你老細
你會話" 車, 呢個「擦鞋仔」"
但呢個「擦鞋仔」一定不是你表面看那樣只懂「擦鞋」, 可能他是個老闆眼中一流的執行者.
你還是否記得, 當年老闆問你們二人, 誰可擔起這個mission impossible時,
你怎樣回答老闆呢 ?
你話: "老闆, 呢樣唔掂,果樣行唔通, 無得攪架 "
而A君呢 ? 他扮晒有信心,拍晒心口話: "無問題,包在我身上."
你心想: 呢個死「擦鞋仔」

一年過去兩年過去, 你口中的「擦鞋仔」已平步青雲, 你仲傻下傻下.

點解「擦鞋仔」可以上位,
而自己就懷才不遇 ?

答案係老闆需要一個有效的執行者, 而不是一個凡事同上級死頂, 扮有型的你

陳吉 說...

按:
當年我就是那個傻下傻下扮有型果個.

MoneyCafe 說...

辦公室政治的確不容易玩,
有人選擇拒絕再玩,
亦有人異常投入,
中間的得與失,
也只是一個機會成本。