「群腳仔」


邊度樓市最貴?

凱璇門?名門?倚巒?

錯,係倫敦。

最新一期經濟學人,又係以英國樓市泡沬為題,叫人「睇路」!
Economist將今日英國樓市表現、同貝理雅97年開始上任掛勾,話在十年期間,英國樓價累積升左二點四倍,而最近一個Hyde Park「海德公園一號」,更加將英國樓市推向全球頂峰。

呢個要09年先落成,倫敦最核心區的頂樓複式單位,由卡塔爾現任第一副首相兼外交大臣「賈西姆」買入,成交價係超過七萬蚊一方呎,本港真係拍馬都追唔上,呢個「海德公園一號」到底有咩把炮?

外牆由玻璃和鋼鐵構成,北望海德公園,為了保障住客安全,大廈每個房間窗戶都裝設了防彈玻璃,電梯和出入口設有虹膜掃描身份識別系統,所有角落亦都處於隱藏攝像頭監控之下。
真正買家

其實倫敦樓價實質黑手,係國際游資,特別是來自俄羅斯和中東買家。有調查發現,購買價值800萬英鎊倫敦豪宅買家中,俄羅斯和中東人分別佔21%及13%,兩者合計可媲美佔37%的英國買家。
可以話呢啲神秘富豪,先需要咁似007的保安系統.....
「Kippers」

英國樓價高企另一個結果,係驅使不少有意置業的年輕人卻步,選擇暫時繼續與父母同住。去年英格蘭介乎20至24歲的成年人中,有58%的男性及39%的女性正在與父母居住,較1991年分別增加8%及7%。
這種「黐家年輕人」在英國被冠以「Kippers」的稱號,是英文「孩子留在父母口袋侵蝕退休儲蓄(Kids in Parent's Pockets Eroding Retirement Savings)」的簡寫,可見其社會形象甚為不濟。但實情是樓價升得太快,年輕一輩的收入高攀不來。
這點又令我們諗起,九七年前唔少港人,都要靠父母比錢作首期,死慳死抵,先供到層樓,點知就遇上「建華七年」......

或者香港人已經經歷過九七年樓價暴跌,因此對高樓價係有嚴重陰影,可能就如經濟學人所講,「THE BOOM HAS BUILT UPON ITSELF, WHICH IS WHY IT WILL NOT LAST」

留言

匿名說…
「建華七年」......03有平貨
匿名說…
多謝「建華七年」......才有平車上

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將