2007年8月17日星期五

「揼水」


唔想講都係要講,大家唔好怪我地「尋」氣。

想講央行、評級機構,同埋亞洲。

先講亞洲。
全球股市蒸發二十八萬億,而亞洲更災情慘重、南韓重挫百分之七、成個亞太區股市打回今年初原形。

次按肯定唔係亞洲區跌市元兇、里昂最近計過,成個亞洲區銀行揸住MBS,都唔夠一個HSBC的CDO Exposure多,因此死極次按,亞洲都拈不上皮毛。

當然唔係話無有怕、「世界是平的」,市場當然係驚Credit Crunch,最終增加借貸成本、同埋歐美放慢進口需求,最終影響亞洲區的出口表現。

出口仲講得通,不過講到借貸、歷經九八金融風暴後,企業已經醒覺高借貸最終要付出很大代價。因此借貸比率已經大幅降低至兩、三左右,LBO嘛,留番比啲鬼佬私募。
FT的LEX今日就攞左PLDT做例子,呢間第一太平附屬、菲律賓最大電信公司,星期四跌左百分之八,唔少係對沖基金沽貨離場。不過PLDT最近就啱啱完成、償還埋最後一期九七金融風暴的欠債,擺脫高負債行列,因此,今天的亞洲和九七年可大不一樣。

不錯,跌市難免令人恐慌,調整恐怕亦未完,不過可以去取了泡沬、一切由低位再起步的時候,可能呢個先係我們期望了很久的事。
##########################################

評級機構
最無能的一環。

其實唔應該怪佢地,經歷過Enron及Worldcom事件,我們仲信佢地比的Subprime Rating,不是自作自受嗎?
評級機構一方面以獨立、言論自由為旗幟,拒絕任何立法監管,同時又因為全球都承認他們比的評級,因此享受獨一無二的壟斷,好似以上市的穆迪為例,毛利高達五成。因此我們今時今日仲要信佢地比的評級,結果不是一早注定嗎?

經濟學人今期都開始炮轟評級機構所謂自我監管的Voluntary Code,其實感覺上都有點遲。
###############################

中央銀行

今次不談伯南克、講特里謝。
是什府原因令歐洲央行上星期四夠膽、做聯儲局一直唔夠膽做的事情?

歐洲央行可以說是全球央行之中最年青、九九年正式成立,九年不到的時間,卻令他們看得整個金融市場通通透透。當嗅到BNP出事可能出事,後果可能連累整個金融體系時候,特里謝毫不猶豫將資金注入銀行體系。

請記著,今次是透過Open market operation下注入短期資金,歐洲央行未有不負責任開動印銀紙機,亦清楚不應以貨幣政策去救一批贏慣大錢的LBO。就如孫柏文講,咁做只會引起更多Moral Hazard,令Mispricing的金融市場繼續misprice下去。

FT認為,如果今次信貸危機真係有贏家,特里謝同歐洲央行應該係少數人之一。

4 則留言:

Simon the Libertarian 說...

日元高見112

幾個星期前,小弟仍在說Yen Carry Trade未有真正的Massive Unwinding的壓力。

不過,這兩天的升勢實在來得太過兇狠,由117到112,是48小時內的事。對不起,要轉口風。

看來,這次是要將資本氾濫帶來資產泡沫(和某些High Yield貨幣)的升幅,一次過打回原形。

李兆富

Simon the Libertarian 說...

再補一句︰06年中,Yen未有升穿110,要是真的連這個位也過,真的不敢想像了...

MoneyCafe 說...

而家兵慌馬亂
琴日有做左幾十年外匯行家話匯市亂到價都開唔到,今次實在始料不及,看來借CARRY TRADE的對沖基金,真係一鋪玩完。

吉鼠 說...

我諗Yen要升到105,個市先至會定。

專家們,點睇?