2007年9月5日星期三

國策

直通車響了氣笛後,卻遲遲誤點,誰之過?

其實誰也沒有犯錯,只是一再突顯內地「國策」風險。

人民銀行行長周小川,一向被視為少有「親香港」的財金官員,「小架子、親切、以事論事」是不少香港記者對周行長的評價。

相反,劉明康是一個「講官威、重視權力、但做事條理分明」的官員,這個印象由他擔任中行行長,以至官拜銀監會主席後,態度上一直無改變過。

我們早兩天已經在新聞提過兩點觀察:
1. 早前「港股直通車」是由外管局單方面公布,當中這個咁重要放寬匯率政策,並無提到已得到國務院批准。

2. 另一個觀察,是外管局局長「胡曉煉」屬人民銀行系統,同時都任人行副行長。相反QDII政策是由銀監會啟動,而很顯然是港股直通車政策同QDII有抵觸。

人行 vs 銀監會

理論上兩個部門均是正部級,沒分大細,但銀監會後於人行成立,劉明康顯然很介懷自己後來者的身分。

大摩用「魯莽」去形容今次「港股直通車」的政策,未必無道理。不過我地諗用「兒戲」去形容,可能更家貼切。

匯率政策涉及的是國家最高層次的決策、理論上不下於國防外交,同樣牽一髮動全身,對全球金融市場更有舉足輕重影響,有什麼理由不是由最高層次的國務院去拍板。現在政策半開不放的時候,最無辜的要算是因此買貨的投資者,政策上上落落,散戶的心情亦隨之跌墮,可以向誰投訴?

財爺叫我們耐心等候,恐怕他自已亦難以掌握要等到幾時!

網友Cory提到,經此一疫,他很有信心,香港起碼有廿年會保持中國的首席金融中心,有幾多個濱海新區都無用。我們都唯有舉腳贊成!

5 則留言:

會計仔 說...

斑友都傻既, 17大之前, 穩定壓倒一切, no risk to be taken, d 錢走左黎香港大陸跌市點算? 上次16大發生咩事? 隱瞞SARS 都做得出.

Lau 說...

再八掛一問:Andson 你去英國讀咩同讀幾耐呀??
講真,你同青姐做節目真係好夾好過瘾呀!!!

會唔會再返cable呀???等你呀...呵

Ray 說...

真係好唔捨得Andson, 因為你同青姐真係好夾好夾, 我地睇得好鬼死開心, 我覺得你地係最佳拍擋呢

如果放假回港, 希望可以做下客席主持, 解解渴

希望得閒你都係度留下言啦

匿名 說...

今時今日,英國指數咁高...Andson好快返呢香港搵真銀,hmmm...$cafe 無左Andson,搵邊個呢?

Cory 說...

曾安遜唔做啦...... 太可惜啦

大陸方面, 自由兌換已經放左上agenda, 依家唯有等17大開完先算, 仲有尚福林已經開口講國內期指已經ready...... 如箭在弦