阿里巴巴的芝麻大門


招股前突然加價,阿里巴巴今年嘅預測巿盈率,已經係「過百倍」,科網股爆破咁耐都未見過,完全如入無人之境。

想買貨嘅又點止散戶,基金大戶今次同樣係押重注,由於反應熱烈,國際配售部份亦要提早兩日喺星期三截飛。

雖然有雅虎,思科同多個大孖沙入股,令阿里巴巴成為近期最炙手可熱嘅新股,但有外界就質疑佢哋係咪可以成為另一個科網神話。

我地被網友質疑係咪唱得太好,看過招股書,同大家分享下:

目前阿里巴巴,最依賴嘅收入來源,就係25萬個,註冊付款嘅「信誠通」用戶。
靠住呢個龐大嘅電子商貿群,形成左佢哋獨有嘅市場壟斷優勢。

不過招股文件顯示,來自「國際信誠通」登記用戶,今年以來只是多1%,即係百多人,與去年增長近四成比較,明顯已經放慢。

有內地用家亦批評,阿里巴巴認證系統唔完善,好難做得成成生意。

係咪能夠為投資者,打開財富嘅芝麻大門,仲要取決於阿里巴巴上巿後表現。

不過今次發行嘅8億幾股入面,有超過7成係來自母公司舊股。

招股書話,馬雲日後最多得三成時間會放喺上市公司,但已經同其他舊股東齊齊套現左超過85億元。

風險係咁多,馬雲的確是一個懂得控制預期的奇人,到底入唔入,都係個句:量力而為!

留言

匿名說…
It is so interesting that investors in the Alibaba was so divided. I saw one of the commentator from your channel ask investor don't waste time to subscribe the stock.

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將