套股換樓

唔知大家點睇「套股換樓」?

上星期先聽聞中原已經提前兩個月達成全年營業目標(施老闆看來又要提早派花紅),今日又傳來近日股價創新高的美聯10月分條數好,後勤員工會收到月薪4成作為花紅,已經係今年第6次派花紅,全年累積派相等於2.2個月額外月薪。

樓市似乎真係好好景,十大屋苑成交亦創今年以來單月新高。

再睇近日一分分證券行報告,更家好似大合奏,個個愈唱愈高,愈高就愈唱好!

1. 雷曼話,隨著發展商加快賣樓,第三季貨尾跌至萬四個紀錄新低,加上減息預期,樓市已經逐步由「買家」變成「賣家」市場,估計到明年底前,樓價會升45%(???!!!)
2. 麥格理話,隨著市民收入上升、本港又重新踏入負利率年代,預測中小型住宅會升最多兩成。
3. 瑞信預測,樓價會大升四成。

樓市好似一片欣欣向榮。

我們確信,內地資金持續流入下,港元又無得升值,最終肯定係會推高資產價格。不過香港人、不少都經歷過「負資產」的夢魘,昔日「嘉湖五千、浪翠八千」的經歷,市民都刻骨銘心。

撇開豪宅不談,市區特別是港島的樓盤,的確由於盤源少、地點又方便,是不少人心中的理想換樓目標,但請不要再說甚麼新界區豪宅的廢話,說穿了,與一個騙局無疑。

「套股換樓」,可以的,但同買股票一樣,請揀選有實力的「藍籌盤」!

今日施老闆就提供了一些心水,包括港島西區在無新增上蓋物業供應下、有了地鐵,幾乎係由政府分左六十億比當區居民,大家仔細留意。

留言

匿名說…
我想知有關聯繫匯率的topic ar, 請問可否有抽一集money cafe來談談聯匯制度呢?

看見政府要用強方保證與銀行兌換美元, 政府究竟有沒有take loss 呢? 如果放寬了強方保證範圍對香港有何影響呢? 政府會不會為勢所逼而放寬聯匯範圍呢? 又是甚麼因素呢?
匿名說…
另外,其實外匯和股票有很密切的關係,可不可考慮每天也有外匯先機的重播呢
chaco說…
張士佳曾於二萬六時在貴節目表示已賺夠離場,並說上望只有五百點,邊個咁勇咪由得佢賺囉。

周一卻見同一人在蘋果日報財經版受訪,說仍有持貨,因仍會有最後升浪,即使見報時已是三萬零五百。

在貴節目上說941只值八十,說當時百二已偏貴,周一在報紙卻推介該股(已升至一五四)。

是他又上過貴節目修正看法我錯過了嗎?不然,貴節目嘉賓說話可信度有幾何?請賜教,或請這位在宣傳中有份掛頭牌的嘉賓再亮相賜教。
damon說…
今晚的嘉賓應該不是孫栢文...妳們如果下星期二前見到孫栢文記住開解下佢...佢係自己個blog到同人bet阿里巴巴ipo賺定蝕呀..形勢絕不樂觀..佢輸左要剃鬚的..嚴重影響出鏡效果呀....妳們勸勸佢..!!年少氣盛好容易做錯事!!
講返一件貼題事..昨天我都在新界西北區入市買了個小型單位..百三萬...希望真係有10%以上升幅...係..我係炒樓!!
VC說…
自用無妨。
炒樓? 傻。
股跌樓都跌。
匿名說…
分析員是有善忘症,職業病,否則入青山,
Moneycafe說…
damon

炒樓炒到西北區....唔,幫你問下小慧...

我都今日都唔明,點解柏文會睇阿里巴巴咁淡?係馬雲樣衰乎?

chaco

學青姐講,其實做分析員都好苦,好難單用基本因素去分析,要打倒昨日的我,其實只要足夠理據,大概都可以諒解....

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將