衝擊港元?


有網友問點解琴日我地會用有97feel 形容金管局入市?
其實可能是自己過敏,因為又係見到外圍有些非常揣測性報告,金管局又連番入市,自己都做到精神緊張!

到今日任志剛出來解晝,一句呢啲報告別有用心,市民唔好輕信謠言,就已經將一分捍衛聯繫匯率決心表露無遺,港元同拆息都輕鬆回落,任總真係值九百萬!

今日瑞信陶冬有分報告很值得詳談。佢認為,金管局目前要捍衛強方兌換保證,比起九七年金融風暴時、炒家沽空港元容易得多。因為九七年金管局要動用外匯儲備,不斷用儲備接港元沽盤,自己袋中的美元亦很容易「彈盡糧絕」。

相反,現在外匯儲備中的美元反而不斷增加,要幾多港元就比幾多,的確輕鬆得多,炒家要成功衝擊港元機會根本好細。

既然衝擊港元咁大困難,點解炒家仲要買入咁多港元?

星展話,炒家嘅戰場根本唔係港元市場,而係志在襯住熱錢流入,可以趁住資產市場升值,推高股市同樓市,
「雙邊套利」,而本港要承擔嘅代價,就可能會形成資產泡沬。

咁到底聯匯係咪唔使改?

高盛話,而家未係最好嘅改變時機,原因係外圍形勢仍然動盪。

佢地相信隨著人民幣仲有很長升值空間,未來仲有好多機會改動聯匯,不過最好就係喺任志剛任期內進行。

都係任總......

留言

匿名說…
好多人都覺得, joseph yam 同聯匯有「劍在人在, 劍亡人亡」, 佢走左, 唔炒爆有鬼
Moneycafe說…
有無諗過港元而家自由浮動....

港元被沖擊,大幅眨值? 銀行會擠提? 廠家難定合同? 樓價大跌、股市大瀉? 港人又移民走難? 連累阿爺人仔被沖....

有時,我們太習以為常,停一停、諗一諗....
匿名說…
完全同意.. 不過為保險計.. 我已經部署將由"股市泡沬"賺返黎的錢,逐步轉成人民幣資產。

幾時脫勾? 邊有得估.. 如果俾你"分析"、"預計"到... 咁俾九十萬任總都多..

任總.. 我支持你! 我睇你頭!
匿名說…
匿名 said
本人一向有收看你們節目.但最近發現節目多左吵吵鬧鬧似去了選舉讑壇.請來嘉賓或學者比較少講話想講都給人打斷.只見某某主持不停講,節目中加入嘉賓/學者用意 ?....

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將