做你世界
從前有個人，希望可以將一個小漁村「修橋補路」，連接到一個內陸嘅大城市，憧憬有一日，喺兩地商品往來下，可以令小漁村發展成大城市，點知，一用就係二十五年時間!
胡應湘1983年首次提出興建一條連接香港及珠海的「伶仃洋大橋」，當時胡應湘對自己作為工程師身分好自豪，仲認為興建大橋係有利香港同整個珠三角利益。
豈料至零二年年中，爆發左胡應湘同霍建寧，因為港珠澳大橋「隔空」罵戰。
事緣係喺胡應湘嘅大橋藍圖內，包括左大澳興建貨櫃碼頭，好明顯，咁係直接影響和黃利益。
當時霍建寧話:「你去做世界唔緊要，你就唔好做我世界，咁會死人㗎!」，結果就引發出，胡應湘反擊，一句「李先生變了」，更家將佢同李嘉誠三十年嘅友情一下子撕破。
數番上、七十年代，合和、長實與恒基、大昌和新地合稱地產「五虎將」，直至零三年十月，港珠澳大橋由朱鎔基拍板去馬，李嘉誠當時先主動致電胡應湘，話『之前係大家誤會』。胡應湘當時仲話『無誤會，呢個係立場唔同』。
其實胡應湘同李嘉誠仲有一個相同之處，就係手上戴嘅都係舊款表，誠哥戴精工、而哥頓就鍾意Casio!
不過留意，而家三地政府都無話一定會批比合和。萬一最終好似泰國高架鐵路咁爛尾，到時二十幾年心血咪白費？
其實以胡應湘對呢條嘅投入，當年唔少大圖都係由佢親自畫圖，由單Ｙ到雙Ｙ爭議，以至六線定四線行車，哥頓都係百分百投入比意見。就算真係因為政治或者咩理由令合和無分參與，計我地話，呢條橋胡應湘都絕對值得為佢留名！
忽然記起，當年霍建寧都話，如果胡應湘真係搵到錢起橋，佢一定會打電話恭喜佢，唔知SIR GORDON收到電話未?
留言