2008年8月3日星期日

Hello, Moto!

有無用過細龜?V仔?

以前真係人手一部,不過呢兩年在中環就真的是「鬼影難見」!

作為美國最大手提電話生產商,摩托羅拉呢兩年真係可以話「江郎才盡」,所以當摩托羅拉可以交出一分令市場有驚喜的成績表時,就令人更加著目。

摩托羅拉第二季盈利有400萬美元,遠比舊年同期虧損二千八百萬美元好。


由於業績比預期好,因此摩托羅拉收市股價急升一成三,是四年嚟最大單日升幅,不過咁,由高位計,一年股價都係無左四成六。

好在佢地今季付運量雖然跌咗兩成一,在連續第六個季度下跌,但就多過預期,因此仲保得住全球第三位手機佔有率,不過同第一位NOKIA同「老二」三星比,差距是愈嚟愈遠,連排第四嘅LG,差距只係唔夠一個百分點。

由於市場佔有率持續下跌,摩托羅拉早就同計劃將手機業務分拆,相信今次業績有改善,將會有利第三季嘅分拆計劃。

不過大家要留意,其實今次業績好的背後,主要係全球裁員同削減成本收效,銷售實際係跌左百分之七。

做成摩記今天的局面,不得不提零四年到零八出任CEO的Zander,其實在他導下,MOTOROLA都曾經有風光一面。

Zabder可以說是典型行動型領袖,在他任內,研製出「V3」手機,累積全球銷售超過一億一千萬部,可以話破晒手機史上歷史。

佢曾經提出,要求有四分一嘅BONUS,是需要以「滿足顧客」同部門合作作為主要指標,成功將摩記由家族企業變成國際巨企。

不過經濟學人話,由於摩托羅拉忽視左3G市場發展,加上手機缺乏多媒體功能,只係一味將成功產品減價、以及推出平價手機,結果諾基亞在發展多媒體及互聯網的功能上愈跑愈快,Zander最終被Icahn(不錯,正是最近入主yahoo!的股東)為主的一批憤怒股東趕下台,今年五月亦辭去主席職位。

Zander可說是一個「領袖型」人物、因為睇錯大趨勢,累到成間公司方向「錯晒」的典型例子。

5 則留言:

匿名 說...

平是不最重要....
現在最重要玲聲要響....
可行雙咭. 可以隨時Trade-IN.
大陸化. 再改造中文名. (xx加油版)
十三億人民期待 成.....

查比斑特頓 說...

這幾年MO記, 永遠不在我考慮之列
它常以天價找明星代言,
但功能永遠落後於人
就像周董代言的音樂手機,畫面又細,穩鬼睇咩

教宗也玩ipod 啦

人在SOHO, 李小龍 說...

論技術,Mo記最先推出彩色螢光幕、影相/影片功能、遊戲下載功能、mp3來電鈴聲、3G、使用mini-SD咭、刀片型超薄摺機等,大把先進技術,但做出來的效果經常都差過人。

亞洲區要求加大鈴聲,聲震同步,內置收音機及改善收音機質素,增加電池備用時間,提高影相鏡頭質素等,美國佬永遠等幾年才改善這些基本問題,加上外觀設計又差,D舊同事都做到冇心機,流失率幾高。

美國佬只顧cost-reduction,完全忽略用家需求及外觀設計。最好賣的V3,複製出十幾個延續版本,睇到厭。Zander在位時,竟然想用一隻黑白數字螢幕手機打入新興平價手機市場,結果當然是被「落機呀」打到落花流水,聽聞還害了很多手機零件商。拿着sample在手,以為時光倒流。

未來兩季的機都沒有太大突破,冇wifi,冇Google平台,款式又差不多,唉!付錢買新機,不是貪新款,就是貪新功能。如果兩者都不是,不如用細龜或V仔!

匿名 說...

禽日睇有線"樓盤傳真"先知,
原來地政署班友,
收埋發展商起樓每呎幾錢0既資料.
唔俾市民知道!!! (以前係俾0架)
加上梁展文單0野爆大鑊,
地政署班友都要解釋0下,
點解要咁做,
有冇利益衝突!

MoneyCafe 說...

今天moto又有新舉動,就是從高通找來新的聯席總裁,擔任流動電話阿頭,刺激單日股價又升多一成。

是絕地反擊? 還是垂死爭扎? 等著瞧。