經濟學家的選擇

今次救市方案的成敗有唔少分析,都指共和黨叛變,一方面係要同喬治布殊劃清界線,更重要係打造麥凱恩「救世主」形像。

今次救市方案成為左兩個候選人之間角力,其實都不難想像,

因為而家離開選舉只有幾個星期,任何議題都可能會改變由邊個嚟做白宮新主人。

對於奧巴馬同麥凱恩,市場一直有過感覺,係兩個人嘅經濟政策都係大同小異,包括係透過向低收入減稅去刺激經濟,不過今期經濟學人就做左一個調查,睇下邊個嘅經濟政策係「得啲」。

呢個調查同一般民調唔同,經濟學人向683個經濟學家發出電郵,睇下佢地對兩個總統候選人嘅經濟政策評價。

結果收番142個回應,結果都幾令人意外,大部分意見都係睇好奧巴馬,認為佢經濟政策得嘅、有六十八個經濟學家,話麥凱恩得,就得個二十個。

呢個結果真係奇,麥凱恩之前唔係攞左六百幾個經濟學家簽名支持自己的經濟政策?

可能同問卷另一條題目有關,就係你覺得邊個候選人嘅經濟顧團係更有勝算,結果又係以奧馬巴佔八成一,完全「技術擊倒」麥凱恩。

呢點反而不難理解,因為奧馬巴顧問團星光閃閃,好似前財長魯賓、前聯儲局主席沃爾克、股神巴菲特、仲有GOOGLE 總裁舒密特,反而麥凱恩最叻都係得阿惠普前女總裁「菲奧麗娜」。

回應嘅經濟學家指,奧巴馬無論喺能源政策、醫療保險、改革金融監管制度,以至改善財赤同刺激經濟增長,得分都比麥凱恩高。

麥凱恩只係贏自由貿易一個議題,(奧馬巴亦是此點最受市場批評),不過回應嘅經濟學家,就有一個好統一嘅共識,就係無論邊個贏,經濟政策一定好過布殊。

留言

匿名說…
「反而奧馬巴最叻都係得阿惠普前女總裁「菲奧麗娜」。」
是否講麥凱恩
gaubinfor說…
http://hk.news.yahoo.com/article/081005/4/8ka1.html

奧巴馬代表民主黨主流態度,認為政府有責任調節市場運作,以免在金融市場勝者全得,相信政府也應主動完善社會福利制度。對評論員而言,這並沒有意外驚喜。但麥凱恩一方面要維持「建制改革者」形象,另一方面卻要爭取共和黨保守派支持,唯有走出一條「對人不對事」的路線﹕強調加強監管金融機構內部運作,但反對大規模動員政府調節整個制度。因此,他不斷渲染投資銀行高層如何揮霍無度、不惜拿布殊任命的證監會主席考克思開刀,希望選民相信共和黨的理想制度本身沒有問題,只是其內部倫理出了問題。假如奧巴馬代表的是宏觀干預路線,麥凱恩提倡的,就是相對的微觀干預。

問題是,美國政府要宏觀干預,不一定要改善管治和執政能力,只需大刀闊斧擺出幾個姿態,倫理就會改變。但要微觀干預、加強監管,卻必須提升管治和執政能力。那時候,也許政府還是小政府、市場還是大市場,但政府對既定方針的干預能力,卻可能比現在強大。麥凱恩的「change」和奧巴馬的「change」之不同,全在於此。
亞羊說…
干預係冇用啦,不如坐定定待熊三出現後,一齊沽沽吧.

或者我都改名為羊沽..

好懷念各 位主持人,好久沒得睇了...

la 咩... 冬瓜...都sit...
亞羊說…
各位準備新一輪沽沽吧.

試舉假設:

清姐銀行助政在次按出現問題,
不過柏文銀行杖義相助,出手購入.
不過並不是支付任何現金,只付柏文銀行股票.
當然清姐銀行暫時避過一劫,但不是味兒.
心諗,柏文銀行都唔係幾掂,就想買起我.
不如就來過沽清柏文銀行之股票套現吧.

(以上所用名詞及情況完全憑空想像,完全毫冇意思叫任何人仕作任何活動)!!!
Moneycafe說…
又打錯別字,多多見諒!

執筆之時,美股又真的大跌五百幾點,孫柏文可以改去燈神之別,應該封為新一代DR. DOOM!
Hi guyz, I am from United States. I am a chinese orginally from Hong Kong. I think both candidates have no clue about the economy. But one thing I want to mention is that Obama, his friends, and his party created this sub-prime crisis. Another thing is that United States have way too much deficits. Which is causing the whole financial problem in the globe. In addition, Obama offer the United States more government programs, such as the Universal Health Care. Which will increase the nation deficit to the roof. On the other hand John Mccain have no clue what is the fundamental problem for the nation. In one of the debate, he mentioned that he want to send more troops to Iraq, and will stay in Iraq for 100 years if needed. I think United States economy have doomed. No matter who is the president.

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」