2008年12月30日星期二

企硬,正!

哈! 無諗過港交所可以企得咁硬!

夠晒膽色!

港交所上市委員會緊急會議,商討備受爭議嘅延長公司董事禁止買賣股分期限Black out period。

會後,港交所話,雖然諮詢期間無任何問題發生,但考慮到外界,同公眾近日有唔同聲音,決定押後推行計劃到四月。但目前無意收回延長禁止董事買賣股分嘅新建議。

證監會,同證監會原意係希望延長禁止買賣期打擊內幕交易。交易所表明,作為上市公司董事,應該係公司長線投資者,唔應該經常買買賣賣,好似一個經紀一樣。

證監會更表示,佢地見到內幕交易係有增加趨勢。

其實有些議員都算公道,唔明點解諮詢期間,無人表達反對意見,到近日先有咁多聲音。亦有議員批評,政府喺事件上一直唔表態。

再仔細想過,公司的確面對外人狙擊,可能無法因為由董事出手而作出抵抗,不過上市公司仍然有好多招數可用,例如由公司回購,配股集資,以認股權攤薄對手。以證監會統計過去藍籌公司董事,買賣比例不足1%,實質影響有限,相反公司董事掌握大量股價敏感資料,稍為增加制肘亦很合理。

簡單講,我們認為企業管治理應從嚴不從寬。

其實成件事最睇唔過眼,係那些什麼大孖沙口面,之前自己唔做定功課,上市諮詢願意交意見的58間上市公司中,絕大部分是內地公司好像是中人壽、中交建、招行,其中好似中石化、中鐵同招行都是支持有關建議,而本地係有比意見就是企業管治一直良好的中電、太古及匯控,相反那些所謂大孖沙就影都唔見。

而家有人就恃住自己夠大威脅交易所,呢次應繼續有好戲睇!

4 則留言:

匿名 說...

Strategic wise, HKEX will stand firm on the issue but expect they will give way to more lenient rules later on given the mounted pressure is too high for them to breath.-SC

Gary Ho 說...

對「延長」建議的批評,有一個不合理的假設,就是用盡業績公布期的上限。

在季度完結後,上市公司理應盡快公布業績,而非拖延至四個月之久。

長遠來說,他們須仿傚美國的企業,增加透明度、提高披露訊息的效率,向世界接軌。

將減低流通量的結果,盡數推諉在新建議上,乃不負責任而且毫無說服力!

MoneyCafe 說...

好同意Gary講法,所謂七個月的禁售期,是公司將公布業績期拖到最長最長先會出現。

如果跟據美國上市公司做法,根本只需要在年結後一個月,已經可以公布業績,那麼公司的禁止董事買賣期,根本只是一、兩個月時間。

其實今次交易所高招在、將成個波一下子又推回政府同SFC手中,好嘢。

匿名 說...

Money Cafe 好嘢!敢講公道說話。
縱觀應該站在小投資者一邊的傳媒和立法會議員,卻明顯地有顧忌,不敢真話直說,或索性徧帮臨時發難無理取閙的上市公司。