不對稱分紅


被新總統駡「可恥」,應該都真係好大件事!

事緣紐約州審計報告指,華爾街大企業,喺舊年要政府出手拯救嘅期間,仍然合共支取超過一百八十億美元嘅巨額花紅,結果就被總統奧巴馬猛烈抨擊,話「SHAMEFUL」,

「奧巴馬」強勢登場,專登揀機會教訓大行頭頭,固然係睇準時機,特別係呢個星期先後揭發美林Thain賣股先肥下分紅,花旗又被人質疑用救市基金錢買私人飛機,正所講民怨沸騰,呢番說話正是「眾望所歸,有得留底」!

不過翻查奧巴馬就職委員會為呢場典禮,籌得超過四千萬美元,雖然委員會表明,唔接受企業、工會同說客捐款,但企業高層,紛紛以個人名義捐獻,當中唔少原來都係等緊政府出手救助的大人物。

就職禮捐款

花旗 LOUIS SUSMAN
$300,000
雷曼兄弟 MARK GILBERT
$185,000
瑞銀 ROBERT WOLF
$100,000
高盛 JENNIFER SCULLY
$100,000
高盛 BRUCE HEYMAN
$50,000

唔單止就職禮,「奧巴馬」參選時,籌得破紀錄、超過六億美元競選經費,處於水深火熱嘅華爾街大行,亦捐獻唔少。

奧巴馬競選捐款

高盛 $884,907
摩根大通 $600,210
花旗 $586,866
對於華爾街企業高層喺金融海嘯下,仍然領支巨額花紅,議員話,會用盡法律程序攞番。

不過看來機會不大。

專家指員工花紅受法律同合約保障,除非員工犯下嚴重錯誤或者行騙,否則公司無權攞番花紅。如果國會修改法例,要求大行取消呢啲花紅,就會違反僱傭嘅薪酬合約。

大行接受政府注資嘅同時,發放巨額花紅,令社會質疑花紅嘅發放制度。今次奧巴馬主動公開批評,相信都係無計可施,唯有出口術,向大行施壓,要求佢哋修改將來發放花紅嘅制度。
//////////////////////////
對於發花紅呢一點,有兩位人物意見較為持平,值得大家參考。

第一是仍然有錢賺(?),無需國有化的匯豐,主席唱反調,話「分紅有理」!

葛林話,金融業唔會取消分紅,重申向員工分紅,係合理嘅做法。但葛霖承認,金融機構高層同一般員工之間嘅薪金差
距,令市場對業界薪酬制度失去信心,佢相信,嚟緊業界薪酬制度會變得較克制。

葛霖話,喺計算員工花紅時,要考慮埋銀行長遠發展,最重要做到平衡,員工福利同股東利益。

另一位是「黑天鵝」作者Nassim Taleb。

佢一言中的指出,當魯賓可以為花旗賺大錢時、可以分到一億美元花紅,那麼當他不能預測公司會蝕大本時,就應該「噁」返一億出來。

「不要藉口說無人以可以預測,這是藉口。如果你不能預測有風暴來臨,就不要起飛; 如果飛得,就要找一個能懂得風暴的人。」

Taleb稱目前的花紅制度是「不對稱賠償」,只有當有獎有罰時,先唔會出現「盈利」個人化、「懲罰」就國有化的局面。

留言

匿名說…
There are always drawback of any bonus system. The more is the bonus, the more risks will be assumed by the Bank. The Banks are always arguing that without bonus, the staff will not have the incentive to work best for the bank. What an absurd argument. There are many ways to motivate staff rather than fat bonus. For example: training, promotion prospect, respect and bonding. If someone put forward bonus is the major way to keep staff moving, I will ask them to think twice again.
I dare to say the crisis from Wall Street to a big extent are related to the greedy bonus system that made the banks to puruse risks to the level that they are not supposed to take.-SC
亞羊說…
可能葛林先生想出巨額花紅??

現在死都唔要政府打救....

又或者到業績公報時,準備派息時,派個rights供股.....??
Are u ready?....


咩... 咩... 咩...
NeoMarx說…
其實可需追回其花紅啦? 只要針對性立法, 將才俊們從"排毒"所得打稅, 將其引至的社會成本抵銷.

哈哈... 無錯, 他們的公司被"共產"了, 可不也將他們的個人財產"共產"...
匿名說…
It sounds an interesting idea to tax separately on bonus. End of the day, the bank will use other terms or tricks to go around bonus that the IR might find it difficult to tax on them.
大傻說…
雷曼兄弟破產收場,美林被以為執到寶的美銀收購,摩根士丹利和高盛要轉型為傳統銀行,AIG被國有化,那些投行和保險的高層都是最聰明的賺錢人才,可惜過度的貪婪和自肥把企業推向絕路,前人累積了上百年的企業財富,交託到他們手上,被他們幾下子便爪分了,挖空了的大洞,由社會大眾去填平,不被痛罵才怪。難怪中國人說富不過三代,即使富甲三方,早晚會有敗家子孫把家財散盡。可是這次泡沫爆破規模之大,禍延整個世界,如果完全沒有監管,類似的事情早晚會再發生,而且不會是百年一遇,能累積上百年財富的企業已經買少見少,只一心想賺快錢的也不會有耐性慢慢經營,不追求平穩的增長,只想趁下一次泡沫爆破之前大賺特賺,金融風暴發生的頻率只會越來越快。
亞羊說…
咁人地可能合約寫明有花紅分...

倒翻香港的話......睇吓点...

特區政府,來年唔好"有樣學樣"

煩請金管局班人睇實香港一眾銀行董事出幾多花紅仲好...

100%存款保障,唔使錢??

look.. look...

咩... 咩... 咩...
匿名說…
合约是那些投行和保險的高層都用最聰明的的方法定出来. 他们自私贪婪和走精面当然为他们定下天下无敌的工程式来计算到最大的花红. 要监管还是有决心和有力.即所谓的有心有力,请问任 Sir 和他门可以???.-SC

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將