神秘短訊

首日法院聆訊果然有料到。

證監會調查顯示,有富通經紀送電盈股份俾下屬,要求佢地對私有化投贊成票,喺股東大會當日,仲同電盈前高層袁天凡有短訊聯絡。

聆訊披露,證監會曾經同90個證人會面,大部分都係富通保險經紀,其中一名證人、正是近日傳媒報道,富通保險區域經理林孝華。

佢向證監會承認向廿六人送贈電盈股票作花紅,要求佢哋投贊成票。電盈認為,呢班人因應投贊成票後、賺取股價上升嘅差額,係人之常情,唔可以話係陰謀。

好,呢點當你講得通,不過證監會在調查中,揭發出林孝華原來同電盈前高層袁天凡認識,仲要曾經喺舊年十二月三十日電盈股東大會當日,透過短訊聯繫,令證監懷疑兩人串謀。

哇,呢個仲唔係大發現?!!!

要知道,袁天凡曾是富通前身盈科保險的主席,居然在電盈加價當日,同林孝華有短訊聯繫? (當日袁早已辭去盈科保險職位)

有合理懷疑,可惜苦無對證。

但電盈仍然死硬唔認,話問過佢哋都否認有咁嘅事,雙方只係巧合有商業接觸。

世事有無咁巧合?

還記得李生當日公開批評本地傳媒質素低,到底真正有問題的是誰?

證監會亦質疑有八百人,突然成為電盈新股東,佢哋持有股票嘅動機係咩。

以及一批以經紀行名義、存放喺中央結算嘅電盈股分,喺投票前至轉讓,令其他人有投票權係咪適當,質疑有無人有經濟利益。

電盈就反駁,證監會暗示佢哋有操控行為、指控並唔成立,提出有投資者或者股東,喺私有化建議提出後進行轉名、投票並唔犯法。

可以一提係原訟庭法官「關淑馨」,佢一開庭唔係向雙方律師發言,反而係先照顧小股東利益,先同三名小股東代表,
佢地有權利亦都有時間發言,叫佢地放心!

反而佢對雙方代表律師都幾唔客氣,先係要求佢地唔需要再重覆已經交上嚟嘅「誓章內容」,幾乎打亂晒幾個律師部署。

最令人奇怪的是證監會代表律師潘松輝,結果關淑馨要問返佢接唔接受富通經紀林孝華、向下屬送電盈股分嘅做法,估唔到潘松輝話「接受」!

最初連個官都唔信,要再問一次先確定。

死,我都估今次證監雖然有合理懷疑,不過贏面真係好細。

Let see!

留言

匿名說…
袁天凡及該保險經理竟然大意到有短訊留低比人捉到做呈堂証供,完全唔係我財經人應有既謹慎 bor !
匿名說…
For Mr. Yuen & those behind of this dirty tricks, they should be blamed for the filthy tactics used to take the advantage of the to press on those loyal & miniorty shareholders. Mr. Yuen and his bandit who is willing to add for someone behind but so cowardly to admit they have done something in concerted action. Mr. Yuen was once a guy I feel worth respected but his image to me now is totally tattered. Though he might not care but end of the day money cannot buy integrity & respectful from others.- I am the one who never owns a single share in PCCW, HKT or Hong Kong Telephone.

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」