出口術

隨著市場開始回穩,美國嘅財金官員都開始「出口術」,提到最差情況可能過去。

聯儲局主席伯南克、向一班大學生交流,提到近期有初步信號顯示,經濟下滑可能無預期咁嚴重。

而國家經濟顧問薩默斯亦有類似講法,話經濟有一個「更平衡」嘅發展。

至於孫柏文口中,最佳股市策略員奧巴馬更表示,美國經濟雖然仍面對困難,但已經顯露「曙光」,政府挽救經濟措施
,已初見成效。

對於呢啲官員可以咁勇出來唱好,前景反而更叫人擔心。

好似美國樓市,近況就令人相當不樂觀。

雖然美國三十年按揭息率,貼近記錄低位,但係上星期美國按揭申請宗數大幅減少,美國按揭銀行家協會公布,上星期按揭申請指數,大幅下跌一成 。

購房指數同再融資指數,都急跌超過一成。

最要命係美國按揭機構加快沒收斷供物業。

包括摩根大通,富國銀行及兩房等金融機構,未等到政府拯救計劃細節出台,陸續加快收返斷供單位,單係二月收返嘅,按月多百分之六,按年更係大增三成。

個別州份情況更嚴重,單係加洲,銀主盤按月更多咗八成,反映斷供情況惡化。

分析預期,樓價將會進一步受壓,今年樓價最多要跌兩成七。

穆迪估計,今年斷供個案將超過二百萬間,比去年升超過兩成。

留言

匿名說…
如果美國繼續狂印銀紙,中國繼續狂買美債,以上問題都會解決。業主無錢?印吧!銀行缺水?印啦!樓價下跌?印銀紙買囉!

這樣搞下去,經濟不單只會回穩(數字上),一兩年內出現另一次的資產泡沫一點也不奇。
匿名說…
當然美國佬一定有銀紙還.

我想普羅羅香港市民唔知何時好似美國派紙買樓??

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」