點解要救?

重組期限星期五屆滿,總統奧巴馬終於承認,佳士拿申請破產保護係一個最審慎做法。

要破產保護,原因就是財政部同債權人之間談判破裂,佳士拿終在星期四決定申請破產保護。

政府雖然向佳士拿債權人、提高償還金額二億五千萬美元,即係總額增至22億幾美元,去抵銷69億債務,即係削債近七成。

不過包括摩根大通同四十五間債權人,經過九十分鐘會議後,有對沖基金仍然反對方案。

佢地認為,將佳士拿清盤再將資產出售、攞返嘅比財政部方案仲要多。

亦有陰謀論提出(政府?),呢啲對沖基金本身持有更多「福特」同「通用汽車」股權,佳士拿清盤反而對佢地有利。亦有基金因為揸住佳士拿嘅「違約交易掉期」,清盤反而可以賺到更多。

面對債權人的強烈抵抗,奧巴馬一洗對銀行的軟弱,決定變招強制要求佳士拿申請破產保護後,以推動同快意加快合併。

合併之後,政府會先向佳士拿注資80億美元,當中有35億美元為債權人融資,而快意亦會同佳士拿合併,待償還政府貸款後,就會成為佳士拿最大股東。

除了債權人的障礙,佳士拿要申請破產保護一個原因,是可以一下子清除數以百計的汽車銷售商網絡。

由於銷售交易商需要向佳士拿付專利費,才可以銷售佳士拿汽車,如果不切斷這個千絲萬縷的銷售網,任何重組都是沒有意義。

而家雖然由政府出面可以壓住局勢,未致引來更大恐慌,不過債權人及銷售商仍可能提出法律訴訟,令快意合併計劃有機會胎死腹中。
//////////////////////////
其實有唔少報道都指,呢啲對沖基金唔願意接納方案,係基於貪婪!

事實又是如否如此? 華爾街日報今天有篇報道值得大家看看。

有一個債權人、對沖基金「Group G Capital」基金經理Geoffrey Gwin,向自己辯護,專登寫封信去華爾街日報,題目係「點解要救佳士拿?」

佢一開始就話,自己只係一個普通美國市民,住喺曼哈頓區一個兩房單位,揸一部十年車齡的Audi,完全不是一個華爾街才俊的形像。

佢當初會投資佳士拿,買入Secured Debt,完全是因為「遇人不淑」,才會買入呢批債券。

Geoffrey話,明白反對方案,會令到八萬個佳士拿員工及家屬陷入痛苦。不過佢解釋,聯同其他45個債權人、反對佳士拿重組,只係希望政府明白,美國本身有一套完善嘅清盤程序,根本唔需要政府介入。

原來Geoffrey爸爸,因為零五年「Delta Airlines」破產,令佢分退休金變成一無所有一樣,因此他本人亦深深體驗過呢種痛苦。

Geoffrey話,要讓企業重生,就要淘汰一些根本不適合生存的公司,讓自由市場自行調節。

佢話,奧巴馬要佢支持方案都得,不過唔該、先賠償番筆退休金比佢爸爸,似乎呢個問題喺美國本地都有好大爭議。

留言

Victor說…
其實向來定位高檔的 Chrysler 在金融海嘯下要破產基本上是意料中事,問題係諗唔明點解要同 Fiat 合併。

人地 Fiat高中低階車齊備,上至法拉利、Maserati,下至 Fiat Punto 這類小車。 Fiat 還是 Iveco 與 Irisbus(Iveco巴士分部) 這兩間歐洲,以至世界上有地位的商用車品牌的母公司,Chrysler 與 Fiat 合併,即係可以話將成間Chrysler 送入歷史之中,剩低的可能只有 Jeep 四驅車系列與及 Dodge Viper這部用8,300cc V10貨車引擎推動的傳統美式 Muscle Car 能夠保留下來。與 Fiat車廠的產品比,Chrysler 現時的車系可以話係競爭力欠奉,也許意大利人會為美國人保留 Dodge 的pick-up 車系列吧...

此網誌的熱門文章

「急於求成」 JPEX 爆煲引證證監會監管不力

三十而立的金管局:思良將

減辣不單徒勞無功 甚至「好心做壞事」