2009年5月3日星期日

Too good to be true(真有咁好)?

傳統上又話sell in may ,and go away,但個市咁升法,點捨得走?

講到底,都係靠一個信心改善!環球股市回升,反映歐美股市表現嘅指標Stoxx 600,四月分急升左一成四,係創出有紀錄以嚟最大升幅。

經濟方面,雖然美國連續三個季度衰退,係1974年來表現最差,不過聯儲局表明,經濟衰退情況有改善跡象。

唔止股市,連信貸市場都係金融海嘯以嚟表現最好,反映企業倒閉風險嘅違約交易掉期CDS,歐美喺四月分分別急跌左一成九同一成六,係舊年貝爾斯登舊年倒閉以嚟表現最好。

有更多跡象表明,信貸市場已經由舊年雷曼倒閉以嚟恢復,貸款出現全面復蘇,

今年七大工業國發出嘅主權債券,孳息率顯注回升,令債券回報下降,好似主權評級債券回報,由舊年急升一成四,變為今年只係有百分之一嘅負回報。

而「息率曲線」亦出現轉為更傾斜跡象,其中美國國債孳息率,就由舊年十二月嘅一厘二五,擴闊至兩厘二六。

私人借貸方面亦有改善,今年以嚟私人企業債券發行量達到四千七百幾億美元,比舊年同期增加左近三成半,其他利率指標亦反映銀行願意重新借貸,好似係三個月Libor回落至一厘左右水平,而所謂TER息差,即係倫敦銀行同業拆息、以及國債之間息差,由舊年十月嘅四厘六四,顯注收窄至0.86厘,都係反映銀行更願意借貸,企業唔再需要比高昂嘅利率。

單睇港股,喺四月最後一個交易日,都升過6百點,全個月計,升幅係年半以嚟表現最好。

到五月首個交易日,更急漲八百點,係半年以來首次上返萬六點樓上,亦係雷曼倒閉、金融海嘯爆發以來最高水平。

有英國股神稱號、,當地最成功基金經理、富達投資總裁Anthony Bolton,就預言熊市已經結束。

難道真係好似奧巴馬上任第一百日咁講,話呢段日子開始得唔錯,希望未來做得更好? 海嘯即係無發生過?

不過與「末日博士」羅家聰傾開,佢對近日一系列的經濟指標到底是否真的轉勢,仍然抱有疑問,更令我倆不解的是: 真係有咁好?

豬流感目前看來不會構成重大傷亡,果真變成一種普通流感,股市亦未必有太大反應。

不過升至現水平,真係無晒不利因素嗎?

假設盈利預測不變,真係算得上抵買股分唔多。

樂觀情緒唔可以完全掩蓋利淡因素,星期四19間銀行壓力測試結果就會公布,大銀行中,花旗,同美銀最少加埋要集資二百億美金。

星期五,美國又有最新就業數據,失業率有機會升至近9%高位。

就算睇好內地前景,內地股市頭一季累積升近近4成,一旦樂觀情縮維持唔到,嚟緊調整在所難免。

唔係要唱淡,不過在過分樂觀的時候,係要想想「人進我退」的道理!

5 則留言:

亞羊 說...

天氣反常....

去年所講冰河時期,今天受全球溫室效應底下.

明天將熱潮又來...

真要唱學友,昨日,今天,明日..

咩... 咩... 咩...

亞羊 說...

仲有去年內地人用假人仔買奶粉..

今天有心人用所謂增額銀紙買股票.

羊都要養肥些才好味....
反正羊毛剛剪好,食多些草才長新毛...

咩... 咩... 咩...

MoneyCafe 說...

大家仲可以留意,美銀及花旗近日沽空有增加跡象,即係話Shortseller又回來.....

匿名 說...

definitely will p k again ga la.. before bouncing upwards ultimately at the end of this year..
btw when will the Wall Street Express programme available on i-cable.com?

匿名 說...

個市十分混亂, 樓市升幅放緩, 零售飲食 pk, 祖國生產有好有壞, 美國穩住了