分析員的自白

報告1.
摩根士丹利又再認錯,大摩上星期原本發表策略報告時話,港交所有六至七成機會,股價會跟隨大市下跌。但大摩唔夠一星期,改變立場,話自從佢地建議發表後,港交所表現只係同大市同步,基於咁佢地策略建議唔再適用。
今次已經係大摩一個月內,兩度收回對港交所嘅策略建議。

報告2.
高盛調高港交所評級,由中性,上調至買入,並列入區內確認買入名單。目標價由五十八蚊,上調至一百廿四蚊。高盛分析員羅慕斯話,相信中國經濟復蘇,同香港嘅獨特性,就要買港交所。

兩分報告,一分講到明自己睇錯,另一分趁你唔覺唔覺,將所有預測改頭換面。

你,會鐘意邊一分?
/////////////////
股市重上萬七,淡友再度「心嗡」。

結果就係,有人繼續搵快錢,有人逼於急轉軚。

轉角市之下,講下一個忠於基本因素嘅大行分析員嘅自白。

佢話,股市由舊年年中DERATING,變為依家RERATING,當中心路歷情,夜晚收工諗起,都眼濕濕!

所謂RERATING,即係盈利預測,連帶大家最留意嘅評級,目標價,都處於上調周期。

港股之中,高盛三月分起,已經連續發功。

三月先嚟第一招叫匯豐抵買。四月第二招,中移動跌夠。

到今日再出絕招,港交所。三招入面以今日港交所最出神入化,股價直情有起死回生之效!

要講經典,首選係羅慕斯使出嘅匯豐「三步曲」。兩個月內,評級由沽變買,目標價相差40幾蚊,盈利預測就由原
本估「蝕」過十億美金,變為全年盈利五十幾億。

服未?!

我服,你服,但佢的行家又未必服。

有分析員話,同人唔同命。高盛有威力,係因為佢地BACKUP夠,坐盤陣容大,聽聞呢隊坐盤TEAM,部分會跟足研究部報告做TRADE,實贏。

分析員,依家要喺基本因素,同市場氣氛之中決擇。但現實係近期忠於基本因素嘅分析員,都敵唔過市場氣氛。

以大摩睇金融股嘅分析員為例,兩個月前睇錯匯豐,依家仲未敢出報告UPDATE。至於佢撰寫嘅港交所策略建議,上星期話會落後大市。今日見勢色唔對,拿拿臨話,收起,就當無講過!!

有老行尊話寫報告無非幫客賺錢。

個市升左幾千點,的客都要局著買貨。

你唔轉VIEW,仲似著有性格,講基本因素繼續CALL SELL。結果是少則俾SALES鬧到飛起,大則連分工都無埋!

因此,點可以唔向市面上仲敢於睇淡嘅分析員致敬!

但企硬佔少數,要轉軚,又唔會睇落太離普,有「無破解辦法」呢?!

基本上,評價一隻股分抵唔抵買,兩大常用估值方法,一係用市盈率,即係PE。

一係用現價對帳面值,即係P Book。

巧妙地方就係企業今年基本上盈利唔會好,即係話PE實高。

好似恒指咁,你用市盈率用外面講話抵買,實俾人笑,因為依家PE,已經十八倍。

但調番轉,用PBOOK,正如摩通所講,真係較平均低,要向客推介自然得心應手得多。

留言

匿名說…
Moneycafe,
Is it possible to upload the whole Cable Finance at 8 programme on i-cable.com, instead of just the second part of the programme? Thank you.
anderson說…
PE18x?, please advise your source to calculate this figure. In according to Hang Seng Index serivces com wedsite, it is only 13x! Please don't bullshit here without proof!

此網誌的熱門文章

「急於求成」 JPEX 爆煲引證證監會監管不力

減辣不單徒勞無功 甚至「好心做壞事」

三十而立的金管局:思良將